Lehen Mundu Gerraren bezperatan da Europa. Ingalaterran gaude, Devonen, baserritar batek moxal bat erosi du azoka batean. Joey jartzen diote izena etxean. Zaldiak berak kontatzen digu istorioa, ipuin zaharren erara. Baserritarrak ez dio probetxurik ateratzen, baina haren seme Albertek hezi egiten du eta adiskide handi bihurtzen dira zaldia eta mutila. Gerra sortzen denean, ordea, britaniar armadari saldu behar diote zaldia. Albertek zin egiten du gudara joan eta berreskuratu egingo duela bere laguna. Frantziako gudu zelaietan hara eta hona dabil Joey, baina zaldi gazteak ez du ezer ulertzen zer gertatzen ari den eta bere begien bidez ikusten dugu gerraren ankerkeria eta absurdua.
Adiskidetasun handi baten historia hunkigarria da Gerra zaldia, bihotzera zuzenean sartzen dena, gerra baten absurdua erakusten duena eta indarkeriaren arbuioa ipuin zaharren estilora maisuki kontatua.
 

Liburu hau euskal olerki-antologia da eta euskaraz, gaztelaniaz, frantsesez eta ingelesez eginda dago, hots, olerki guztiak jatorrizko hizkuntzan ez ezik, aipatu beste hiru hizkuntzetan ere ematen dira. Hori dela-eta, liburuaren bestelako izenburuak: Voz, palabras, lenguas. Voix, mots, langues. Voice, words, languages. Pablo González de Langarica eta Sebastian Gartzia Trujillo dira lan honen prestatzaileak. Hamar idazleren olerkiak biltzen dira liburuan: batetik, euskaraz sortu duten Juan Mari Lekuona, Bitoriano Gandiaga, Gabriel Aresti, Xabier Lete eta Bernardo Atxagaren lanak, eta bestetik, gaztelaniaz idazten duten Angela Figuera, Blas de Otero, Javier de Bengoechea, Jorge González Aranguren eta Blanca Sarasua poetenak.

Gaur egungo antropologia biologikorako sarrera honek arlo horretako osagai nagusiak aurkezten ditu: genetika eta eboluzioaren teoria, gizakiaren eboluzioa eta bariazioa, erregistro fosila, eta primateen eboluzioa, biologia eta jokabidea. Testuaren ardatz nagusia biologiaren eta kulturaren arteko harremana da, eta arreta berezia eskaintzen zaio gizakiek primateen ordenan duten lekuari.