New books - Liburutegia

05/21/2025 | 140

Euskal Herrian, Bakerako Bidea ofizialki herritarra baldin bada, Elizaren aldetik ere bakearen aldeko urratsak eginak izan dira. Horrela osatu da Atxik Berrituz elkartea, aldian aldi berrituz, ekinbidean diren kristauak zutik ibiltzen saiatzen direnak.

05/21/2025 | 146

Uztaritzeko kotilunak

Uztariztar gazte baten bizitzaren kontakizunean, herri kulturaren eragina euskaltasun berri baten sortzeko erakusten du, iraganean oinarritua dena etorkizunean sartuz.

05/21/2025 | 150

Hegiz hegi

Lehen, orain eta bihar galdezkatzen dira pastoraletako khantore edo poesiaren bidez. Bizi zuhurtzia baten bilduma eskaintzen du Zuberoatik ikusirik.

05/21/2025 | 210

Liburu artean ibiltzea : irakurketa literarioa eskolan

Irakurketa-heziketan eta heziketa literarioan irakasleen lankiderik onenak liburuak direla sinetsita, “Liburu artean ibiltzea” lanean, aurrerapen teorikoetatik eta aplikazio praktikoetatik elikatzen den hezkuntza-jardunaren esparru bat eratzen saiatu da Teresa Colomer.

Liburuak bi atal dauzka. Lehenengoan, heziketa literarioaren prozesuan elkarreraginean dauden hiru alderdiak lantzen dira: eskola, irakurleak eta liburuak; bigarren atalean, elementu horiek lau irakurketa-aukerarekin nola erlazionatzen diren proposatzen da, irakurzaletasuna sustatzeko jarduerak programatzen laguntzeko irakasleei: bakarkako irakurketa eta irakurketa kolektiboa, horien hedapena jakintza-arlo guztietara eta eskola, testuen interpretaziorako gidari aditu den aldetik.

“Liburu artean ibiltzea” oinarrizko kontsulta-liburua da ikasgeletan ez ezik, ikasgeletatik kanpo ere irakurzaletasuna sustatzeko jarduerak berritzeko interesa duen ororentzat, deskribatzen baitu "liburuek eta irakasleek nola jarduten duten elkarlanean ikasleentzako irakurketa-ibilbide bat sortzeko, ibilbide horren bitartez belaunaldi berriek parada izan dezaten literaturak mundua ulertzeko eta bizitzaz gozatzeko eskaintzen dizkien aukerez baliatzeko.

05/21/2025 | 139

Erreskatatzaile Magikoak Magiolinpiar Jokoetan

Magiolinpiar Jokoak hastera doaz! Herensuge, iratxo eta gainerako izaki magikoak proba oso dibertigarrietan lehiatuko dira. Zoe, Lukas eta Marina, Erreskatatzaile Magikoak, ikusleen artean eserita egongo dira... Baina, misterio batek behartuta, pistara jaitsi eta kirolarien artean miaka hasi beharko dute. Garaiz aurkituko al dute Magiolinpiar Jokoak nork saboteatu nahi dituen?

05/21/2025 | 74

Erreskatatzaile magikoak mamarroen basoan

Asteburu lasaia izango zela uste zuten, ba... Lukas, Zoe eta Marina mamarroen basora iritsi dira. Toki arrunta dirudi, baina laster gauza arraroak hasiko dira gertatzen eta hirukoteak mamarroei botako die errua, oso bihurriak diren izaki batzuei. Erreskatatzaile Magikoak haiei segika sartuko dira baso barrura... eta misterio zoragarri bat deskubrituko dute.

05/21/2025 | 102

Apurkinak

Mundua aforismoz beteta dago. Liburu hau aforismoz beteta dago. Natura aforismoz beteta dago, eta etxeak, eskolak, egunkariak, lagunen hizketak, mingainak…

Eta aforismoa? Aforismoa munduz beteta dago. Eta liburuz, naturaz, etxez, eskolaz, egunkariz, lagunen hizketaz, mingainez…

05/21/2025 | 66

Otsorik gabeko basoa

Laida beti beldurtu izan dute otsoek. Gurasoek haiei buruzko beldurrezko istorioak kontatu izan dizkiote ttiki-ttikitatik: Pelloren ardi guztiak jan zituen otso zitalarena, txanogorritxuren amona askaritarako jan zuenarena... Gauza bakarrak lasaitzen du Laida: bere etxe inguruan ez dagoela basorik. Badago jolas-parke bat eta bidegorri bat erreka baten ondoan. Txirrindan eta patinetan ibiltzera joaten da hara. Eta, batzuetan, errekan bizi diren ahateei ogi puska batzuk ematera.

05/21/2025 | 93

Emakume zuzendarien euskarazko filmen bilakaera euskal zinematografian

Lan honek euskal emakume zinemagileek historian zehar egin dituzten aurrerapenak eta azken urteotan sortu diren filmen eklosioa erakusten dizkigu.

05/21/2025 | 115

XX. mendeko euskal pentsamendua Joxe Azurmendiren talaiatik

Joxe Azurmendiren obra unibertso literario zabal eta aberatsa da, euskalduna eta europarra, euskalduna izanik unibertsala, eta bertan hainbat arlo eta sail zedarri litezke. Hein batean aztertua dago; izan ere, pentsalariari eskainitako «Euskal pentsamenduaren ur-jauzia» kongresua egin zen Donostiako San Telmo Museoan 2019ko abenduan, eta, sei sailetan banaturik (Kultura, nazioa, estatua; Gizaberea; Gogoeta etikoak; Pentsamendu soziala; Kooperatibismoa; Hizkuntza eta pentsamendua), berrogeita hamabi aditu aritu ziren bertan euren ponentziak aurkeztenurik (Eizagirre & Zabaleta (argk.), 2021). Haritz Azurmendik doktoretza-tesia egina du Joxe Azurmendiren nazioaren kontzeptuaz, nazionalismoen gaineko ikerketen argitan (Azurmendi, 2019); alabaina, oraindik, Joxe Azurmendiren obrari dagokionez, azterkizun askoz ere gehiago dago, aztertua dagoena baino.

Lan honen izenburuarekin erara, irudika dezagun Azurmendi une batez, behinola marinelak talaietan baleen arrastoen peskizan nola, gain egoki batean hala, handik xx. mendeko euskal letrei, hots, euskal idazle handien eta ez handien idazkiei beha, eta haiek beste hainbat testurekin eta gizarte- zientzien arloko autorerekin harremanetan jartzen, eta bera ere beste hiru jakinkide nagusiekin (Intxausti, Torrealdai, Agirrebaltzategi) iritziak partekatzen, eta buru-lantegi hori guztia noiz bolalumaz idazten, noiz idazteko makinaz jotzen eta noiz ordenagailuan erregistratzen. Ildo bertsuari ekin zion Joxe Azurmendik baino lehen Salbatore Mitxelenak “Unamuno ta Abendats” (1958) saiakerarekin, baina Azurmendi askoz luzazkiago eta konplituago aritu izan da.

New books - Liburutegia

Novedades