Poeten jardunera hurbildu gara, kantura, hitz poetikoaren inguruko zerbait esateko as-moz. Eta bide horren abiapuntu bezala definizio

hau erabili dugu: hitz poetikoa gauza ba-tentzat izen egokia aurkitzen duen hitza da. Kasik «izen sakratu» bat, Hölderlin handiaren hitzak

erabiltzearren. Halako hitz boteretsu batek gauza bat izendatzearekin batera, gauza baten izana ere sortu eta osatzen du. Esan nahi baita:

izen egoki batek izatasuna ere ematen dio izendatzen, ahos-katzen eta kasik ukitzen duenari, hau da, hitz poetiko hori agertu baino lehenago

izengabea zen gauza orori. Horrela ikusita, egia poetikoa dirudi esaera zaharrak dioenak: «izena duen guztia omen da».

Liburu honetan idazleak bere bizitzan euskal gizarteari eskaini dizkion teorien jatorrietara murgiltzeko aukera ematen dio irakurleari.

Jorratu duen ibilibide ideologikoa garatzeko ibilbide horren oinarrian izan dituen pentsalariak ezagutuko ditu irakurleak. Munduan bizi diren

gertakariek ere isla izan dute Bikilaren pentsamenduaren garatzean. Horrela errenteriako idazlearentzat Lotsaizuna, gure sinboloak, nazio

askapena krisi sistemikoen garaian, klasea, generoa, sozialismoa edo abertzaletasuna gure herrian, burujabetasuna edo langileriaren borroka

dira orri hauen artean jorratzen dituen gai batzuk; baina ez da geratzen Bikila, gogoko du begiratzea Europan antzematen den alaitasun gutxiagoren kontua, Katalunian edo Ukrainian bizi duten egoera, Naziotronika, langileria borrokan, ezkerra norabide bila, dira beste gaiak ere jorratzen dituenak pentsalariak.

Azken ataletan pandemian ondoren bizi dugun gizartea eta literaturako zenbait idazleen lana ere aztertzen du guretzat Joxek, "Bikilak".

Modu batean liburu honetan biltzen diren idatziak bere ibilbide idelogiakoaren bilakaera erakusten dio irakurleari. Aldi berean eskaintzen dituen azalpenak bere ibilbide ideologikoaren garapena ulertzen lagunduko du irakurlea.

Warren hoteleko azken oinordekoa da, gainbehera egin duen etxe itzelekoa.  Etxea korridorez eta ahaztutako sekretuz beterik dago. Eta, kondairak dionez, Begi Oroikuslea bertan ezkutaturik dago. Warrenek altxor hori aurkitzeko, zenbait misterio argitu beharko ditu. Zein da galdara gelan ezkutuan bizi den izakia? Zer nahi du labirintoan mamu antzera ibiltzen den neska zurbilak? Hoteleko bezero bakarra zergatik dago bendaz estalita, momia balitz bezala?

Pertsonaia nagusi batek egituratzen du liburua: Kalixtok. Halaxe aurkeztu du pertsonaia Pello Añorgak berak: "Herri askotan izan dira pertsonaia

xelebreak, baina gutxi Kalixto bezalakoak. Hain da arlotea eta aldi berean hain prestua, hain zabarra eta aldi berean hain fina, hain inozoa eta hain

soziala, hain gordina eta hain samurra, hain haurra eta hain heldua, hain inozoa eta aldi berean hain eroa eta jakintsua". Kalixtoren pentsamendua,

gorabeherak, zirtoak, xelebrekeriak, paradoxak eta kontuak dira, beraz, Añorgak bildu dituenak.

Anton Abadia (1810-1897) geografoa, astronomoa, hizkuntzalaria, etnografoa eta beste hainbat alorretako aditua izan zen. Hain zuen jakin-min

handia, ezen diziplina gutxi egin zitzaizkion arrotz. Izan ere, usadio zaharreko jakintsua izan zen. Urrutikoa interesatu zitzaion, eta Niloko

iturburuak aurkitzea izan zuen bizitzaren ardatz, baina hurbilekoa inolaz ere ahaztu gabe; horren lekuko da euskara sustatzeko egin zuen funtsezko lana. Denboraren poderioz, haren lorpen zientifikoek distira galdu dute, baina haren biografia harrigarria da. Hendaian eraikiarazi zuen jauregia 

bezain harrigarria. 

Iñigo Sagarzazu Altunak Anton Abadiari buruz idatzi zuen biografia berrargitaratu dute Gipuzkoako Foru Aldundiak eta Elkar argitaletxeak.

Mikel Zabalzari beti gustatu izan zaio negua. Pirinioetan hasi zen eskaladan, Gavarnieko zirkuan, izotzezko bide etereoetan. Eskia egin du,

Himalaiara joan da, eta bide berriak ireki ditu ohiko ibilbideetatik aldendutako harkaitz erraldoietan, eta Antartikako izotzetan barrena egin du aurrera, haizearen bultzadak lagunduta, lera bati tiraka.

Kontakizunaren bidez, bere kordadaren parte izango gara, eta Alpeetara eta Patagoniara joango gara, munduko horma handietara, eta haien babesean egingo dugu lo, haizea eta elurra nagus i diren altitudeetan: Peuterey, Trango, Piergiorgio, Kanchenjunga, Dunagiri...

Iruñeko Udalak martxan jarri du XXXIV. euskarazko literatur lehiaketa, poesia eta narrazio modalitateetan. Lehiaketa Nafarroan jaio diren edo helbidea bertan duten egileei dago zuzendua. Liburu honek sarituak izan direnen lanak biltzen ditu.