Energia-instalazioetako industria-segurtasunari buruzko arau bat da 2008ko otsailaren 15eko 223/2008 Errege Dekretua, Goi-tentsioko linea elektrikoen baldintza teknikoei eta segurtasun-bermeei buruzko erregelamendua eta haren jarraibide tekniko osagarriak (JTO-GTL 01etik 09ra) onartzen dituena.
Erregelamenduaren xedea da goi-tentsioko linea elektrikoek bete beharreko baldintza teknikoak eta segurtasun-bermeak ezartzea, helburu hauek lortzeko: goi-tentsioko linea elektrikoen eraginpean egon daitezkeen pertsonak eta ondasunen osotasuna eta funtzionalitatea babestea; energia elektrikoaren hornidurak behar duen erregulartasuna lortzea; material elektrikoaren fabrikazioan dagoen tipifikazio zabala murrizteko behar diren arauak ezartzea; eta, lineen proiektu-fasetik hasita, zentzuz aurreikus daitezkeen etorkizuneko karga-handitzeetara egokitzeko aukera erraztea.
Erregelamendu honetako xedapenak goi-tentsioko linea elektrikoei aplikatzen zaizkie, eta goi-tentsioko linea elektrikotzat hartzen dira 50 Hz-eko maiztasuneko korronte alterno trifasikokoak, faseen artean kilovolt batetik gorako tentsio izendatu efikaza dutenak. Energia garraiatzeko edo banatzeko beste sistema batzuk -korronte zuzena, korronte alterno monofasikoa edo polifasikoa, eta abar- erabiltzea aurreikusten den lineetan, proiektugileak berariazko justifikazioa egin beharko du, eta proposatutako sistemaren berezitasunetara egokitu beharko ditu erregelamendu honetako oinarrizko printzipioak eta aginduak
 

Lankide baten amaren hilbeilak egonezinik uzten duen gizona, giza harremanak matematika- ekuazioen arabera ikusten dituen bikotea, autobusean bidaia luze bat egin behar duen lagun parea, alaba gaixoa ospitalera eraman behar izan duen ama, bizilagunari mandatu bitxi bat eskatzen dion agurea, 30 urte lehenagoko ikasle garaiko pasadizoak aztoratzen duen gurasoa...

Izumenezko ipuinen ezaugarri guztiak dituzte Edgar Allen Poeren kontakizunek: heroia bakar-bakarrik dago gaztelu zahar batean, edo ziega batean itxita, edo basoan galduta dabil. Poek, baina, berritu egin zuen generoa: leku izugarri horiek deskribatu ordez, egoera horretan egoteak dakarren larritasuna deskribatzen du. Egileak ez du irakurlea mundu horren existentziaz komentzitu nahi: mundu hori sentiarazi nahi dio, kontzientzia guztiz nahasirik duen pertsona baten aldartearen kide egin.
Poeren unibertso berezia osatzen duten ipuin klasikoenetakoak dakarzkigu bilduma honek: Berenize, Usher Etxearen hondamena, Maelström, Erretratu obala, Bihotz salataria, Putzua eta pendulua, Amontillado upela... Gogoa asaldatzen duen egonezin bat eragin diezaiokete istoriook irakurleari, ez plazerik gabe ordea, literaturan nahiz zineman egileak izan duen eragin luze bezain zabalak erakusten digun bezala.
 

Liburuxka honetan Jose Antonio Arana Martixaren biografia labur bat garatzen da, bereziki haren bizitzaren alderdi intelektuala jorratuz. Biografia atipikoa da, formazioz abokatu, ekonomista eta enpresa-gizona baita, baina intelektual gisa lehenengo eta behin euskaltzain osoa da, alegia, euskara izan da bere bizitza intelektualaren muina. Euskararen bidez beste hainbat alorretara heldu da, bereziki musika, literatura, historia eta bibliografia.

“des egiten” poema-bilduma Ione Gorostarzuren lehenengo liburua da, Karmele Igartua I. Bekaren irabazlea. Gorostarzu Berastegin sortu zen 1984an, Historian lizentziatua da, lanbidez irakaslea eta Bergarako Idazle Eskolan ibilia. Poesiak betidanik erabili dituen gaiak berritzen dizkigu “des egiten” deritzan lan honek: norbere izaeraren zurkaitz eta kontraesanak, existentziaren gorabeherak, maitasunaren buruhausteak, idazteak berak duen zentzua edo zentzurik eza... Hori guztia gaurko begirada gazte eta fresko batekin, hitzen hautaketa fin eta erritmoaren sen berezkoarekin. Kontuan hartzeko ahots berri bat, hunkitzeko eta pentsarazteko sentiberatasun berri bat.