Ispiluari begiratu eta zeure burua beste norbaitekin tronpatzeko zalantzan sumatzean, igarriko duzu alter egoa bere kabuz ibiltzen hasi dela. Ipuin hauetako lagunak durduza batel hartu ditu, nahasmenduak euren zainetan bidea egin eta portaera aldrebesturik.

Haur eta gazte literaturaz azken urteetan argitaratutako hainbat gogoeta, kritika eta elkarrizketa bildu ditu Iñaki Zubeldiak (Ikaztegieta, Gipuzkoa, 1945) “Haur literatura aztergai 2″ liburuan (Erroteta), duela sei urte kaleratu zuen “Haur literatura aztergai: gogoetak, elkarrizketak, kritikak” liburuari jarraipena emanez (Euskal Herriaren Adiskideen Elkartea, 2006). Liburu hartan bezala, orain argitaratu berri duen honetan ere haur literatura defenditu eta aztertu du, alderdi askotatik begiratuta.

atuaren Uhartea du izenburu liburu honek. Hala zeritzoten Eireri gaelikoz Erdi Aroan. Ezin ukatuzkoa da Eireko folkloreak; musikak, batez ere; Euskal Herrian izan duen eragina. Baita hango ipuin eta kondairek Tolkienengan eta gaurko hainbat idazlerengan utzitako ondarea ere. Euskal Herrian Wentwoth Webster euskaltzale eta idazle ingelesak (1907. urtean hil zen, Saran) hainbat herri ipuin bildu zituen, eta haietako batzuetan antzekotasun handiak aurkitu zituen literatura ingeles eta gaelikoekiko. Hona hemen, W.B. Yeats Nobel saridunak apailatutako ipuin irlandarren bildumatik aukeraturiko sorta moldatu bat, balizko amona irlandar batek Euskal Herriko neska-mutil batzuei kontatua, herri bien arteko folk oinordetza zenbateraino den antzerakoa frogatzeko.