Hirugarren Sektore Sozialeko erakundeak jabetzen dira zeinen garrantzitsua den jasangarritasunaren arloko informazioa ematea, zehazki beren stakeholder-en eskaerari erantzungo dion informazioa; horrela, konfiantza handiagoa eskuratuko dute eta haien ekintzek sinesgarritasun eta legitimotasun handiagoa izango dute.

Universidad del País Vasco / Euskal Herriko Unibertsitateko (UPV/EHU) US 22/24 ikerketa-taldeak, EDE Fundazioarekin elkarlanean egindako azterketa batetik abiatuta, Euskadiko Hirugarren Sektore Sozialeko erakundeen sareak hautatutako ingurumen-, gizarte- eta gobernantza-adierazle  esanguratsuenak aurkezten ditu. Prestatutako gida hau erakunde haientzako tresna estandarizatu bat da (haien tamaina, sektorea edo zerbitzua ematen duten lurralde historikoa edozein dela ere), eta jarduerak eta programak zerrendatze hutsetik haratago joatea du helburu.

"La puerta abierta da euskal herri-baladen eta beste hizkuntza batzuetatik datozenen arteko loturen inguruan egiten den lehen azterlan monografikoa. Kapitulu bakoitzean euskal balada baten eta atzerriko homologoen arteko alderaketa paraleloa egiten da, eta, horrekin batera, euren antzekotasun eta desberdintasunen azterketa zehatza ere bai.

Lotura harrigarriak ageri dira euskal tradizioaren eta Europakoen artean, bai testuetan, bai melodian. Lotura horiek oso interesgarriak izango dira generoa maite dutenentzat. Era berean, lehen aldiz aipatzen dira sasibalada edo pseudobalada deiturikoen jatorrizko iturriak, tradizionalak balira bezala egileak argitaratzen zituen euskarazko itzulpenak.

Kapitulu bakoitza euskal bertsioen eta atzerritar gehienen zerrendarekin amaitzen da. Liburuak, gainera, bibliografia zabala du. Erreferentzia horiek guztiek balio handia izango dute euskal abesti herrikoiaren eta beste hizkuntzetakoekin duten harremanaren adituentzat ".