Euskal Herriko greba feministetan bide-orri gisa erabili ditugun dosierren analisia egingo du eskuartean duzun liburuak, sexua, zaintza eta estatua hizpide izanik.

      Diskurtsoaren gaineko kontrola boterea da, diskurtsoak errealitatea sortzen duen heinean. Horregatik, liburuak hitzak bere inpaktu politikoekin lotuko ditu. Diskurtso feminista fintzeko gakoak biltzeko asmoan eta barne eztabaida politikoak hauspotzeko helburuz dago egina. Militante gisa, guretik eta guretzat idatzia da.

      Menderatzaileek zentzu komunaz dihardute. Baina guk ondo dakigu hizkuntza hegemonikoa erabiltzen dituzten indarkeria-estrategien parte dela. Ez dute lortuko kontzeptuen eraldaketa politikoa gelditzerik. Kategoria propioekin hitz egitea debekatzerik. Jarrai dezala botere lehiak.