New books - Liburutegia

06/05/2023 | 277

Fast fatum : sei kapitulutan abestutako olerki bat

Freddie Mercury eta gameplayerrak, hari gorriaren kondaira, eguzki-lore dantzariak, esku kirurgikoa, Herio eta Penelope, bazterretan bizitzea, hareazko gazteluak zeruan. Formaren jolasa eta argiaren bilaketa.

06/05/2023 | 301

Ura saltoka : natura eta kultura jolasean

Juan Kruz Igerabidek badu –liburu honetan esaten digun bezala, betidanik izan du– naturarekiko joera bat, jaidura bat, aldi berean izan dena jolasleku, bizigarri, egunerokorako ikasgai. Haur garaiko oroitzapenetatik hasita (“Hantxe gaude aita, ama eta hirurok iturritik edaten, nik lauzpabost urte besterik ez”), azkenaldion hunkitzen duen aktualitate gordineraino (“Hortxe gaude gizakiok zuhaitz taxonomikoaren bazter batean, guztien buru garela usterik”), nolabaiteko autobiografia sentimental bat, nolabaiteko kontakizun generazional bat, nolabaiteko historia natural bat osatu du Igerabidek, ohi duen gisan pasarte mamitsu, gogoeta hedatzaile, prosa ezin gozoagoz betea. Ovidio garaikide batek egingo lukeen modura, burmuina besteari irekia beti, galdu gabe sekula izpiritu kritikoa, jakinik jarrera hori dela gizakiaren eta naturaren arteko harremanak hobeki ulertzeko modu bakarra.

06/05/2023 | 296

Hamabost egun Urgainen

Urgain bezalako herri baketsuetan ere gertatzen dira gauza ikaragarriak. Galde diezaiotela, bestela, Txomini, kanposantuko arduradunari: hildako bat lurperatzeko prestaketak egiten ari dela, tiro baten hoska ikusi dio aspaldi hobiratutako emakume bati! Nork egin zion tiro? Garaidi izeneko gazte batek hartuko du bere gain ikerketaren ardura.

06/05/2023 | 291

Eichmann Jerusalemen : gaizkiaren hutsaltasunaren gaineko txosten bat

«Zenbateraino lortu zuen Jerusalemeko auzitegiak justiziaren eskaerak asetzea, ez besterik, horixe da honako txosten honen gaia.»
Hannah Arendt, Eichmann Jerusalemen

«Gaizkiaren hutsaltasuna, arrunkeria. Hauxe izan zen Arendtek hautatu zuen azpititulua. Ordutik hona, interpretazio eta esamesa franko piztu duen izenburua.»
Mario Zubiaga, Hitzaurrean

«Simone de Beauvoirrek esan zuen Pierre Laval frantses naziak, gerra ondoren epaitu zutenean, gizon arrunta eta garrantzirik gabea ematen zuela, gizontxo ahula eta irudimenik gabea.»
Amos Elon, Sarreran