New books - Liburutegia

11/30/2022 | 265

Barbaroak eta zibilizatuak : euskal gatazken eskuliburu materialista

Kritika eta praktika marxisten, transfeministen eta dekolonialen pentsamoldeak bere eginez, eskuliburu honek mendez mende gure herrian eraikitako iruditeria basa aztertzen du. Horretarako, Euskal Herriko pentsalariak eta iturriak oinarri hartuta, lau barbarizazio prozesu aletzen ditu, barbarizazioa izanik, egilearen hitzetan, “euskaldun desobediente emantzipatzailearen aurkako indarkeria materiala”. Horrenbestez, erreminta kutxa bat izan nahi du euskararen, euskaldunaren eta Euskal Herriaren zapalkuntzak barbarizazio prozesuen gurutzaketatik ulertzeko. Iruditeria horretatik ihes egiteko praktikak ere proposatzen ditu, eta erakusten nola izan den euskara zapalkuntzarako eta erresistentziarako eremu behinena.
Iratzar fundazioak eta Txalapartak elkarlanean argitaratzen duten Iparrorratza bildumaren 5. alea da hau.

11/30/2022 | 193

Atsoa

Antologia honek Víctor Català idazlearen narratiban bidaia bat proposatzen du, mende erdi batean idatzitako hamar ipuinen bitartez. Modu kronologikoan aurkeztuak dira, eta idazleak bere bizian argitaraturiko lehen eta azken ipuinek -biak ala biak hemen jasoak- zirkulua ixten dute: aita ezezagun eta ama kementsu baten kumea dute protagonista, bizi den ingurunean bere lekua egin nahian borrokan dabilena. XIX. mende bukaerako eta XX. mende hasierako bizi baldintza gogorrek bustiak, pertsonaiek zein gertaerek basakeria txundigarri batez diz-diz egiten dute idazlearen kontaera sentibera eta ñabarduraz betearen aldean. Caterina Albert i Paradísek gizon izenez sinatzeko hautua egin zuelarik, badirudi horixe zuela helburu: idazketa aske batetik pertsonen eta gizartearen itzalak arakatzea eta gizakien patua, bereziki emakumeena, indarkeriaren hari finez eraikitzea.

11/30/2022 | 220

Humanitatearen une gorenak

Jatorrian prentsarako zutabe, biziberrituta agertzen dira Humanitatearen une gorenak liburua osatzen duten testuak, edizio lan zorrotz bati esker; modu horretan, pieza solte zirenak, haien arteko elkarrizketan ari zaizkigu hemen, barne korronte sendoez zeharkatuak, osotasunean. Eta azken emaitza, hartara, saiakera literario askotariko bat da, Michel de Montaignek ireki zuen bidetik, idazlearen kezka itxuraz hutsalak, eta era berean erabat unibertsalak, modu pertsonalean ekartzen dituena.

11/30/2022 | 293

Txikle bat marrubizkoa

San Juan gaua herri txiki batean. Dena dago prest: egurrezko metak eta autotxokeak; gizonak tabernarako gogoz, umeak eta gaztetxoak harat-honat. Ospakizun giroa, ordea, edozein momentutan hautsi daiteke.

11/30/2022 | 252

Ni ez naiz Mikel Laboa

Euskal kantaririk miretsiena eta maitatuena, sasoi baten, geografia baten eta jendarte baten ispilu da Mikel Laboa. Ukaezinak dira tradizioa bereganatzeko zuen sena, transgresiorako kemena eta bere ahotsaren bidez komunitatearen mina katarsi bihurtzeko gaitasuna.

Baina nola aurre egin xaman baten bizitza marrazteko erronkari? Jostaria eta apurtzailea zena ezin zurrun kontatu. Ohiko biografia moldeetatik ihesi, Laboaren kantuen izpiritua, aldartea eta umorea hartu dituzte egileek eleberri grafiko honetan bidelagun, errealitatearen errekako korronte geza irudimenaren itsasoko urekin nahasten den puntuan murgiltzeko gonbidapena eginez.

11/30/2022 | 287

Gure estiloan

Wendy nire ahizpa nagusia da. Eta ni Marine naiz, txikia. Inoiz ez dut jakingo imitatzen nauen, kuxkuxean ibiltzeko nire egunakariaren giltzarrapoa apurtzen duen edo ahal duen guztietan arropa lapurtzen didan ahizpa txiki bat izatea zer den. Izugarri gustatuko litzaidake ni izatea neure ahizpa txikia... ni neu izateko ahizpa!

11/30/2022 | 268

Ezinbestean, ahizpak

Wendy nire ahizpa nagusia da. Eta ni Marine naiz, txikia. Inoiz ez dut jakingo imitatzen nauen, kuxkuxean ibiltzeko nire egunakariaren giltzarrapoa apurtzen duen edo ahal duen guztietan arropa lapurtzen didan ahizpa txiki bat izatea zer den. Izugarri gustatuko litzaidake ni izatea neure ahizpa txikia... ni neu izateko ahizpa!

11/30/2022 | 337

Utzi azalari

Maialen Lujanbiok 2017ko Bertsolari Txapelketa Nagusian botatako kartzelako bertsoen inguruko nobela grafikoa da Utzi azalari.

Hiru bertsoetatik azkenaren azken puntuak hala dio, "itzal ezazu argia eta utzi azalari ikusten". Bati baino gehiagori egingo zaizkizue ezagun bertso hauek. Izan ere, sorta honek sekulako indarra du.

Bertsoen zirrararen haritik sortu dut Elene. Bertsoek komiki forma ere hartu dute eta orain zuen azalak ukitzeko zain duzue.

11/29/2022 | 125

Ata Pank eta Ate Punky. Bisita

Burua jiratu zuenean, harrituta geratu zen Ata Pank. Hantxe, patinete baten ondoan tente, txakurkume bat zegoen. Marroikara zen ilez, bular sendokoa, buruhandi samarra. —Nelo! –hots egin zuen Ata Pankek. —Nelo ez, Nelotxo –zuzendu zion txakur txikiak. —Neloren igual-iguala da –esan zuen Ate Punkyk. —Ez naiz igual-iguala. ni gazteagoa naiz. Horregatik deitzen didate elotxo eta ezelo. Zer egiten zuen Nelo honek? Nondik zetorren? Eta, batez ere, nora zihoan? Hori jakiteko, gure ahate heroiak espioi bihurtuko dira

11/29/2022 | 142

Euskal piratak

Eman diezaiogun bide gure jakingurari, haizearen esanetara jarri eta abia gaitezen mundu berri batera, mundu maltzur eta gordin batera, non abenturak berak gidatuko gaituen zazpi itsasoetan barrena egingo dugun bidaia arriskutsuan. Boga dezagun aspaldiko uretan, eta, abordatzera! garrasi basatiarekin batera, egin dezagun salto historiaren ontziaren bizkarrera, garai bateko euskal pirata ospetsuenak ezagutzeko, hots, Mediterraneoko zokondo ezkutuenetatik Ternuako ur jelatuetaraino beldurra erein zutenak. Ezagutu ditzagun beraien ohitura eta lapurretateknikak, epopeia eta… eskasiak ere. Ontziratu gaitezen Joannes Suhigaraychipi, Ixtebe Pellot, Jean Lafitte, Michel le Basque edo Pedro Larraondorekin haien ibileren lekuko izateko.

New books - Liburutegia

Novedades