Zertan dabiltza hiru neska-mutiko eta saguzar bat oihanean? Bada, neska-mutikoak Leo, Rebecca eta Martin baldin badira, seguru badakizuela nor den saguzar gaixoa... eta zein den haren zeregina tropikoan: arazoak bilatu, aurkitu eta konpontzea!

Max hitz-totela da, eta oporretan Kanarietara joango da familiarekin.

Hegazkinean Oierrekin, bere lagun minarekin, topatuko da. Zelako poza Maxentzat, baina ez Maxen familientzat! Oier eta Max elkarrekin beti bazterrak nahasten dabiltza, eta helduak aieneka. Anek, Maxen arrebak, laguntza ederra emango die denei. Gaitz erdi! Max eta Oier igerilekuan eta itsasoan bainatuko dira, Piratez mozorrotuko, miniclubeko marrazoen kontra borrokatuko dira. Horiek bai oporrak!

Istorio original eta barregarri hau irakurketa errazakoa da eta marrazkiak dauzka.

Isaac Newton jakin-min handiko umea izan zen: gauza guztiek nola funtzionatzen zuten jakin nahian beti...

Cambridgen ikasten ari zela, hainbat esperimentu egin zituen argiarekin, matematikarekin, kimikarekin, mugimenduarekin eta unibertsoaren mekanika deskubritzeko balioko zion guztiarekin.

Hala, egun batean, ulertu zuen lege unibertsal bakar baten bidez azaldu zitekeela planeten mugimendua ez ezik, baita objektu guztiena ere, eta horrek atea ireki zion fisika berri bati.

Urola aldeko kontu ta komerixek ipuin liburuxka, bi urte pasako lan jardueraren emaitza da eta bertan Urola-erdiko eskualdeko ipuin eta kondairak jasotzen dira. Askotan pentsatu izan dugu jentil eta pertsonaia mitologikoen gora-beherak, Aralar bezalako tokietan metatzen direla soilik, baina benetan Euskal Herri guztian zabaldurik daude eta gure alderdia bereziki aberatsa da ipuin eta kondairetan. Beraz ipuin liburuxka hau, bertakoa berreskuratu eta zabaltzeko ahalegiña da. Euskaldunen historia ahozkoa izan da eta horrela iritis zaizkigu gure aurreko eta antxiñekoen ipui eta kondairak. Azkoitia, Azpeitia, Zestoa, Errezil eta Beizama aldean jasotako ipuiak dira liburuxkan datozenak eta han eta hemen jasotako ipui motzetatik, sormen lanaren bidez aipatutako ipui sorta osatu da. Ipuiak Gurutz Garmendiarenak eta marrazkiak Josu Arrietarenak dira eta irakurleak entretenitzeaz gain, bertako ahozko memoria berreskuratzeko ahalegiña da liburuxka.

Ikerketa honen abiaburua Hernaniko Udaleko Berdintasun Sailak bultzatu- tako ikerketa beka izan da. Hain zuzen ere, lan hau, Hernaniko Udalak sus- taturiko ikerketa beken hirugarren lana da; oraingo honetan emakumeek lan munduan izan duten ekarpena jaso nahi izan da.

Hori dela eta, esku artean duzuen ikerketa honen bidez, 1939-1975 urte bi- tarteko Hernaniko emakumeek egindako lan ezberdinen testigantza bildu nahi izan da, ahoz eta irudiz; emakumeei eurei, ahotsa emanez eta Herna- niko historia osatu nahian. Izan ere, egindako hainbat ikerketa lanetan, eta herriko memorian, emakumeak oro har, bigarren mailakotzat hartuak izan dira eta beraz, euren parte-hartzea ezkutatua geratu da. Ikerketa honek, egoera horri buelta eman eta emakumeek herriari, kasu honetan Hernaniri, egindako ekarpenari argia eman nahi izan zaio.

Mutila, gurpil bakarreko bizikletan ibiltzen trebea da. Baina neskak behin eta berriz estropezu egiten duenez, nola egin aurre arazo horri elkarrekin bizitzen jartzean?

Euskarari gorazarrea liburua euskararen gaineko saiakera bat da. Euskarari omenaldi bat. Liburuaren atzeko azalean egileak dioen bezala, hogeita bost urte zituela euskara ikasten hasi zen botikari baten euskarari buruzko gogoetak, alegia. Bere ustez, euskara bizirik iraun ahal izateko, euskara bera, gaztelania, frantsesa eta gainerako hizkuntzak bizikide onak izan behar dira. Euskarari hurbiltzeko eta euskaraz hitz egiteko, berriz, aldez aurretik konplexurik gabeko jarrera baikorra zeinen garrantzitsua den aipatzen du liburuan. Bestetik, euskararen bideetan topatu dituen hainbat euskaltzale miresgarriak eta eredugarriak goraipatzen ditu, baita euskararen alde gauzatuak ikusi dituen makina bat ekintza txalogarriak kontatu ere.

1980ko ekainak 25, Nervaceroko langileek parlamentariak atxikitzen dituzte Bizkaiko diputazioan. 1984ko azaroak 2,3 Euskaldunako ontziolan, poliziaren oldar artean Pablo Gonzalez langilea hiltzen da. 1992ko urtarrilak 8, bi ertzainek Mikel Uribe junkiea hilik aurkitzen dute Joseph Conraden Ilunpeen bihotzean liburua altzoan. 1985eko otsailak 7, poliziak Arantxa Lopez atxilotzen du. 1985eko martxoaren 10ean, Aitor XXX Rainbow Warrior itsasontzian dago eztanda batek inarrosten duenean. 1986ko martxoak 25, Guardia Zibilak Joseba Fernandez bi bala gorputzean dituela atxilotzen du.

1971ko udaberria da eta Mikelek, Arantxak eta Josebak Periko Solabarria entzuten dute: “Bada garaia aldatzeko. Ez dugu behar karitaterik, justizia baizik!”.

Nobela bat idatzi nahi du gizonezko protagonistak, bera joaten den literatura-tailerreko irakasle emakumezkoak hartarako dohainak dituela esan diolako; idazlegaia bere gizajo gogokoenen galeria bat biltzen haten da, koitadu kutunen pasadizoekin ganorazko zerbait egingo duelakoan; horrekin batera, bere emaztearen eta alabaren istorioak kontatzen dizkigu, elkarri beren maitaleei buruzko konfidentziak egiten ibiltzen direnak, baita emaztearen ahizparekin duen harremana ere… Erotismoarekiko eta literaturarekiko pasioak eskutik helduta doaz nobela osoan, sentsualtasun fin eta umore mehe bat darizkio orri bakoitzari, baita literatura-munduaren eta bereziki autofikzioaren parodia ere, Agirre bera eta beste idazle batzuk bertan agertzeraino. Hitzaren festa bat dugu, azken batean, aldi berean marjinetan geratzen diren idazleekiko eta zirrikituetan garatzen diren letrekiko maitasuna pizten duena.