New books - Liburutegia

12/15/2022 | 190

Bilboko Merkataritza Eskola oroimenean : 200 urte baino gehiago, ikasle ohien ehun testimonion baino gehiagoren bide

Gaur egun UPV/EHUko Ekonomia eta Enpresa Fakultatea - Elkano Atala deitu arren luzaroan Bilboko Merkataritza Eskola izenarekin ezaguna izandakoaren bigarren mendeurrena ospatzeko ekintzen barruan, ikasle ohien oroitzapen batzuk bildu ditugu liburu honetan: ikastegi honen bizitza akademikoaren lekuko, eta, aldi berean, urte horietan Bilbo Hirian izandako bizimoduaren erakusle.

12/15/2022 | 221

Gasteiz 1200 : defentsa amaigabea

Gasteizko alde zaharrean, Antso VI.a Jakitunak forua emandako hiribilduaren aztarnak aurkitu dituzte, baita historiaren ezbeharrek estalitako gertakari erabakigarri batenak ere. Okupazioa, bortxa, gosetea, erresistentzia, sufrimendua… 1199. urtean Gaztelako erresumal Nafarroako mendebaldea bereganatzeko abiatu zuen kanpaina eta gasteiztarren defensa ikaragarria ekarriko dizkigu gogora bertan indusketa lanetan ari den arkeologia taldeak

12/15/2022 | 251

Puta zikinak : sexu-langileen eskubideen aldeko borroka

´Prostituzioak adiera ugari ditu, eta sakoneko emozioak azaleratzen ditu. Batez ere, inoiz sexurik saldu ez dutenei gertatzen zaie hori, sexu-salmenta modu sinbolikoan ulertzen dutenei. Prostituzioaren ideiak imanak bezala erakartzen ditu lanari,maskulinitateari, klaseari eta gorputzei buruzko galderak; gaiztakeria arketipikoari eta zigorrari buruzkoak; nork ´´merezi´´ duen zer; zer esan nahi duen komunitate batean bizitzeak; zer esan nahi duen norbait komunitate horren mugetatik at bidaltzeak. Prostituzioarekiko jarrer ek lotura handia izan dute beti arrazarekin, mugekin, migrazioarekin eta nazio-identitatearekin, batzuetan ageriki, maiz ezkutuan. Sexu-lana ganbera korazatu bat da, non gizarteak bere beldur eta kezkarik larrienak gordetzen baititu´. Juno Mac eta Molly Smith

12/15/2022 | 203

Kitty eta lorategiko sekretua

Kittyk, Mandarinok eta Mixik lorategi zoragarria aurkitu dute teilatu artean eztutaturik. Landare ederrez eta apaingarri politez betetako leku liluragarria da. Mixik, guztiz kilikatuta, lorategia denei erakutsi nahi die, baina zenbat eta katu gehiago joan lorategi hartara, haren edertasuna hondatzeko arrisku handiagoa dago.

12/15/2022 | 206

Suite frantsesa

Maisuki erakusten du XX. mende erdi aldeko Europaren tragedia. Nobelak alderdi autobiografiko ukaezina du, eta alemaniarrak Parisen sartzeko bezperetan hasten da, kezka giro betean. Lehen bonbak lehertzen direlarik, milaka familia irteten da bideetara, autoz, bizikletaz edo oinez. Alemanek Frantzia hartu ahala behera dator ordu arte nagusi zen ordena. Gorrotoak pizten dira, baina baita maitasun historia ezkutuak eta kolaborazionismorik lotsagarriena ere.

12/15/2022 | 169

Koaderno handia

Ikasketa-prozesu baten lekuko egiten gaitu Koaderno Handiak. Pertsonaia nagusien, bi anaia bikien, ikasketa-prozesua da. Hirurogeita bi atal labur dira.

12/13/2022 | 463

Joanes Etxeberri Andereñoen erresidentzia

1960ko hamarkadan, Francoren diktadura oraindik bere gordinean zegoen arren, Gerrak sortutako shocketik ateratzen hasi zen euskal gizartea, eta hori alor askotan islatu zen, tartean hezkuntzan. Ordura arte Elbira Zipitriak eta beste batzuek ibilitako bide estua nabarmen zabaldu zen ikastolen mugimenduaren bitartez. Ikastola aitzindari haiek irakasle euskaldunak behar zituzten, jakina, baina, gainera, behar bezala formatutakoak, Escuela Normal de Magisterion ikasitakoa ez baitzen inolaz ere egokia. Horrela sortu zen Joanes Etxeberri Andereñoen Erresidentzia. Zergatik Erresi-dentzia? Erresidentzia bat zelako, andereñogaiak elkarrekin bizi ziren bertan, baina, batez ere, agintari frankisten aurrean ahal zen gehiena disimulatu beharra zegoelako. Joanes Etxeberri Andereñoen Erresidentziak 1964-1965 ikasturtean hasi eta 1972- 1973an bukatu zen. Bitarte hartan, han eta hemen sortzen ari ziren ikastolak irakaslez hornitzeko bene-benetako harrobia izan zen. Liburu honetan, Pakita Arregik, Andereñoen Erresidentziako zuzendari izan zenak, damaigu ekimen haren berri: nortzuek sortu zuten Erresidentzia, zehatz-mehatz zertarako, nola, zer ibilbide egin zuen… baita nola eta zergatik itxi zen ere. Euskara batuaren inguruko eztabaida-garaia zen, gizartea sekularizatzen hasia zen, hezkuntza-eredu euskaldunak eta, gainera, diferenteak saiatzen zituzten urte haietan. Erresidentziarena historia “txiki” bat baino ez da, modu xume eta naturalean azalduta, harrokeriarik gabe, kontu-garbiketarik gabe. Historia txikia, bai, baina ikastolen historia handiaren pieza bat, eta, oro har, 1960ko hamarkada haren isla, euskal memorian gero eta lausoagoa den hamarkada garrantzitsu haren isla. Jasota utzi beharra zegoen.

12/13/2022 | 334

Inoiz ez : E eguna

Troumesnil, Alabastroko Itsasertza, Normandia. Madeleineren etxea amildegi ertzean dago. Baita alkatea ere. Herriko atsorik zaharrena etxetik atera nahi izan zuenetik, alkateak gorriak eta beltzak ikusi ditu. Hedabideak aferari lotu zitzaizkionetik Madeleine ikono bihurtu da, eta labarra, berriz, erromesaldi-tokia. Turistek labarrera jotzen dute segurtasun neurri guztiak gorabehera, eta posizioa horri etekina ateratzeko prest da. Tragedia gertatzen denean, eta lehen hildakoa, Troumesnilen geroa kinka larrian egongo da. Baina oraindik bada iraganaren aztarna bat… Eta Madeleinek laster beteko ditu 91 urte.

12/13/2022 | 400

Beldurrezko enigmak : 10 ipuin enigmadun beldurrezko pertsonaia klasikoetan oinarrituta

Ongi etorri beldurrezko enigmen liburura. Ezagutu pertsonaiarik izugarrienak haiei aurka eginez ipuinotako protagonistekin batera. Bisitatu Frankenstein bere ezkutalekuan. Ikasi Sorginengandik babesten. Uxatu Gizotso ikaragarria. Ebatzi Momiaren sekretua. Kuxkuxeatu Drakularen gazteluan. Gozatu Halloween gau urdurigarri bat. Murgildu Ness lakuko munstroaren eremuan. Argitu Jekyll Doktorearen eta Mister Hyderen kasu zirraragarria. Bizi zure haragian Zonbien anabasa. Sentitu gaueko Mamuak. Ezinezkoa da istorio hauetatik ihes egitea: lehenago, istorio bakoitzean gordetako enigma argitu beharko duzu. Gozatu beldurrik gabe!

12/13/2022 | 429

Kantatzen du kantuz : antologia

CD1. De Treville-ren azken hitzak ; Nire euskaltasuna ; Poeta kaxkarra ; Mendian gora ; Quién fuera luna ; Egia garesti dala ; Nire ibaia ; Bautista Bazterretxe ; Izarapean ; Euskadin Castillan bezala ; Al oído ; Hor zaude ; Txabi Etxebarrieta ; Lau haizetara ; Niña morena y ágil ; Zuek hil zineten ; Ilun-ikarak ; Ilhunabarrez ; Zure tristura ; Barne kanta V. -- CD2. Mayo ; Zergatik ;Koplak ; Maitasunaren sutegia ; Maitiak galde egin zautan ; Iratiko basoilarra ; Naiari ; Kopla berriak ; Haur kanta II-III ; Maitasun beroen mugan ; Oroimeneko portua ; Ausencia ; Barne kanta II ;Amasemeak oherakoan ; Ene haserrea ; Kukua eta primadera ; Caminito de Erandio ; Haragizko estatua ; Kantatzen du kantuz ; Maitia nun zira

New books - Liburutegia

Novedades