New books - Liburutegia

02/07/2023 | 205

Literatura eta futbola bi errealitate kontrajarritzat har badaitezke ere, asko dira baieztapen horrek errealitatearekin zerikusirik ez duela erakusten diguten adibideak. Athletic Club Fundazioak «Letrak eta Futbola» ekitaldiaren inguruan urtero egiten dituen ekimenek agerian uzten dute ez direla bi mundu desberdin, elkarrekin bizi direla eta elkarri esateko asko dutela (www.letrasyfutbol.com). Hainbat futbol-kategoriatan irakurketaklubak daude, idazketaren munduan lehen urratsak ematera animatu diren jokalariak, klubek irakurketaren sustapenean duten zereginari buruzko eztabaidak antolatu dira... Gaur egun futbolak masak mugitzen ditu, gure inguruan gehien hitz egiten den gaietako bat da, eta pertsona desberdinen arteko loturak sortzen ditu eta horrek merezi du bere tokia literaturaren ikerketen esparruan.

02/07/2023 | 225

Urratuen arrastoan : UEUk begirada literarioa hauspotu zuenekoa

Udako Euskal Unibertsitateak (UEU) mende erdia bete duen honetan hainbat idazlek UEU bihurtu dute mundu literarioen hauspo. Bost hamarkada hauetan zehar UEUko ikastaroetan, ekimenetan edo jardunaldietan gorpuzturiko bizipenen arrastoan askotariko testu literarioak sortu dituzte, eta urraturiko bideen oihartzun zenbait ahots literario bihurtu dituzte. Baita hizpidera ekarri UEUren jardunak sorturiko urratu askotarikoak ere. Izan badira saiakera literarioen oihartzunak testu batzuetan, memoria ariketak akuilu bihurturik gogoeta literarioa harilkatzeko. Izan badira hitz poetiko jostariak edota urratzaileak. Izan badira fikzioaren mugekin zein aukerekin jolas egin duten narrazioak, bai kutsu errealistadun narrazioak osatzeko, bai narrazio distopikoak gorpuzteko. Bilduma literario honek UEUren iragan, orain zein etorkizunari begirada literarioz eta irudimentsuz hurbiltzera gonbidatzen gaitu, iraganeko arrastoak zein etorkizuneko balizkoak begirada sortzailez janzteko.

02/07/2023 | 249

Loti (h)errena

Loti (H)errena *ZART kolektiboko kideen arteko lehen lana da (Rafa Rueda, Iker Lauroba, Harkaitz Cano, Maite Larburu, Alain Urrutia, Lou Topet, Mikel Urdangarin, Elizabeth Macklin eta Naiara Egimendia).

Bidaia musikal-literarioa da, 0 eta 100 urte bitartekoei zuzendua, eta loa bezalako gai unibertsal batekin "jolastea" xede duena.

02/07/2023 | 317

Hitzetatik harago

Jalgi Hadi Mundura (JHM) euskara-elkarte bat baino gehiago, euskara ikasten ari direnei leku ziur bat eskaintzeko lagun-koadrila bat da. Barnekoa besteekin partekatu nahi izatetik sortu zen 2020ko Covid-konfinamenduan. Hitzetatik haratago besteekin euskaraz egoteko eta sortzeko irrikak eta gogoak bildu gintuen, eta orain pandemia pasatuta, Hitzetatik haratago, garena erakutsi diogu elkarri, eta nor bedera aberastu.

02/07/2023 | 219

Album : edo paradigma aldaketa baten testigantza

Asko hitz egin izan da gazteoi buruz. Millennialok oinordetzan hartutako erantzukizunak kudeatu ezinean gabiltzala diagnosia jaso dugu. Ondorengo hitzekin definituak izan gara: infantilak, prekarioak, frustrazioari intoleranteak, grinarik gabeak, bizitzan galduak, gainformatuak. Ados, sintomatologia hori guztia geure gainean zamatuko dugu. Gure belaunaldiaren etiketen jabe bihurtuko gara. Baina zer daukagu guk esateko? Zer espero da gutaz? Nor gara gu?

02/01/2023 | 254

Territoires, langues, littératures & cultures : confrontations, lectures, translations

Hedadura txikiko hizkuntzen XIV. mendetik XXI. mendea arte doan epean eskuz idatzi edo inprimatu diren testuak espazioarekin, denborarekin, geografiarekin eta, zabalago harturik, beren transmisioarekin eta kultura menperatzaileekin ukan duten harremanari buruzko galderak egitea da liburu honen helburua. Azterketa andana honen helburua ez da exhaustibotasuna, baizik literatura- eta hizkuntza-eremu ezberdinak markatzea, estatuen historia formatuetan konbentzio harroetarik haratago bidaiatzea posible izan dadin. Testu horiek mugikorrak eta itzulgarriak direlarik, inguruko geografietara migratuz doaz, eta baita haratago diren hizkuntza-eremuetara ere. Jatorriz beste hizkuntzatan idatzi testuak hedadura txikikoak eta, anitzetan, ikusiezinak diren hizkuntzetara itzultzen direlarik, itxuraz aldaturik jiten dira bueltan, espeziaz kargaturik balira bezala, beren iraunkortasun hauskorra segurtatu duen promesaz beterik.

02/01/2023 | 320

Zainketa intentsiboetako erizaintzako eskuliburu praktikoa : erizaintzako praktiketako ikasleentzako gida azkarra

Lau ikasturteetako praktika klinikoetan, ikasleek ospitale-unitate oso espezializatuak igaro behar dituzte, hala nola larrialdi-zerbitzuak, ebakuntza-gelak eta zainketa intentsiboetako unitateak. Errotazio horiek, era berean, erronka garrantzitsua eta interesgarria dira gradua amaitzear dauden ikasleentzat.

Ospitaleetako zerbitzu berezietako egonaldiak ahalik eta gehiena aprobetxatzearen garrantziaz eta zerbitzu horietako batzuen konplexutasunaz jabeturik, zenbait datu eta informazio idaztera animatu gara, etorkizuneko erizainentzat eta unitate berri batean sartu berri diren profesionalentzat baliagarria izango delakoan. Euskal Herriko Unibertsitateak aurrez argitaratu dituen beste eskuliburu batzuei jarraikiz (hala nola “Botikak bide parenteraletik emateko gida praktikoa”, “Farmakologia praktikoko eskuliburua” eta “Erizaintza kirurgikoko eskuliburu praktikoa”), Erizaintzako Graduko Practicuma behar bezala gauzatzeko eskaintzen dugun beste tresna bat da hau: “Zainketa intentsiboetako erizaintzako eskuliburu praktikoa”.

Zainketa intentsiboetako erizaintzako eskuliburu praktiko hau zainketa kritikoetako zerbitzuetan esperientzia handia duten erizaintza-profesionalek egin dute. Zainketa intentsiboetako, bizkortzeko eta gaixotasun koronarioetako unitateetan eta antzekoetan lehen urratsak gidatzeko pentsatua dago bereziki.

02/01/2023 | 318

Espezialitate kirurgikoetako eskuliburua

Kirurgiari buruzko bigarren eskuliburu honetan, kirurgia orokorraren adar moduan hazi diren espezialitate kirurgikoak jorratu nahi izan ditugu. Jakintzaren eta teknologiaren etengabeko garapena gertatzen arin den egunotan ezin daiteke medikuntza, ezta kirurgia ere, alor mugatu edo estanko bat bezala ulertu. Zentzu honetan eta medikuntza gero eta pertsonalizatuagoa den garai hauetan, espezialitate ezberdinen arteko elkarlana ezinbestekoa bilakatu da gaixo eta gaitz bakoitzari tratamendurik zehatzena emateko. Kontestu honetan, elkarlanean jarduteko, ikasleak eta baita kirurgilariok ere ezinbesteko dugu espezialitate kirurgiko guzti hauen ezagutza maila bat izan izatea. Jakintza guzti hau euskaraz zabaltzen jarrai dadin sortu dugu bigarren atala.

02/01/2023 | 249

Eta ez zen alerik geratu

Zortzi pertsona, elkar ezagutzen ez dutenak, Ingalaterrako kostaldeko uharte batera gonbidatu dituzte. Uhartera iristean, Rogers senar-emazteek eginen diete harrera, etxezainak eta giltzariak alegia, Owen etxeko jauna hurrengo egunera arte ez dela iritsiko esanez. Gau horretan bapo afaldu ostean, disko batean grabaturiko ahots batek hilketa bat leporatuko dio bakoitzari, eta konturatuko dira inork ez duela “Owen jaun” delako hori ezagutzen. Plan makur batek ekarri ditu guztiak uhartera…

02/01/2023 | 253

Aurpegrafiak

Euskal Herriko 110 pertsona garrantzitsuen bilduma grafikoa da. Eskubide berdintasunean lanean aritu diren emakumeak. Baita euskaraz eta euskararen alde aritu direnak. Gehienak XX. mendekoak

New books - Liburutegia

Novedades