Sakontze egitasmo honen xedea itzulpengintzak (eta, neurri txikiagoan, interpretazioak) euskararen normalizazioan daukan eragina aztertzea da, erakunde publikoei erreparatuz; orain arte arlo honetan egindako lana azalduko
da, eta etorkizuneko erronkak aipatuko dira ondoren.
Horretarako, lehendabizi, gaiaren hastapenak aurkeztuko dira; ondoren, hizkuntza baten normalizazioan erakunde publikoek daukaten betebeharra azalduko dugu. Jarraian, zenbait erakunde publikoren lana azalduko dugu; hain
zuzen ere, Eusko Jaurlaritza, Eusko Jaurlaritzaren mendeko arlo batzuk eta Gipuzkoako Foru Aldundia izango ditugu hizpide; maila apalagoan aipatuko ditugu zenbait udalerrik, Nafarroa Garaiak eta Iparraldek bizi duten egoera.
Lanaren azken partean itzulpengintzak eragin ditzakeen arazoei erreparatuko diegu; bukatzeko, aurrera begiratuko dugu, etorkizuneko erronkak aipatu eta arlo honetan eman daitezkeen zenbait aurrerapauso iradokiko dira.

Aurtengo Nafarroako Foru Hauteskundeen harira, susmoa bazen UPNren bi hamarkada baino gehiagoko agintaldiaren ondotik kolore ezberdineko gobernu berri baterako aukera egon zitekeela. Susmoa bete egin da eta, hurrengo hilabete eta urteetan, ezustekorik gertatu ezean, 2015-2019 legegintzaldian Uxue Barkosek gidatutako gobernua izanen dugu nafarrok.
Gobernu aldaketak dudarik gabe hizkuntza politika berria ekarriko du;
oraindik lanean hasi ez arren, adibidez, sinbolikoa den, baina Nafarroan bizi izan dugunarekin sinbolikoa baino gehiago den, lehen berrikuntzak dakartzate gobernu eta Parlamentuaren osaketa berriek: lehen nafar presidente eta Parlamentuko presidente euskaldunak ditugu.
Dena den, euskararena gai zabala da eta legegintzaldiak alor horretan zer ekar diezagukeen aurreikustea da nire asmoa. Batik bat Euskararen Foru Legearekin zer gertatuko den aztertu nahi izan dut, legea gainditzeko aukerarik dagoen.

Sakontze-egitasmo honen helburua lortzeko, hauxe da proposatzen ditudan eskema eta metodologia:
1. Lehenik eta behin, maila teorikoa landu nahi dut, zati bitan banatuta:
o Lehen hizkuntzari eta hizkuntzaren garapenari loturiko eduki teorikoak
o Iritzi, jarrera eta baloreen kontzeptuak Gurasoen iritzi, jarrera eta balioak euren seme-alabentzat hautatu duten lehen hizkuntzarekiko

2. Bigarrenez, betiere eduki teoriko horietan oinarrituta, gaiari buruzko hipotesi batzuk formulatuko ditut.

 Mintzapraktika programen oinarria da euskaraz hitz egiteko ohitura duten lagunak hitz egiteko ohitura ez dutenekin elkartzea. Mintzapraktika programak aisialdian garatzen dira, izaera boluntarioa dute, harreman sare berriak sortzea bilatzen dute,
euskararentzako hiztun eta gune berriak irabaztea dute helburu.
Mintzapraktika programen zabalkundean, Donostiako Bagera euskara elkartea izan zen aitzindari, 1993. urtean Mintzalaguna programa martxan jarri zuenean. Hurrengo urteetan beste hainbat egitasmo sortzen joan ziren, besteak beste Bergarako Berriketan.
Mintzalagun, Berbalagun, Mintzakide, Solaskide, Solaslagun… herrien eta euskalkien arabera izen ezberdinak hartzen dituzte Mintzapraktika programetan parte hartzen duten kideek. Gaur egun 5.500 lagunetik gora ari dira mintzapraktika programetan parte hartzen, eta urtetik urtera gorantz doan egitasmoa da.

 Betidanik izan da Euskal Herria migrazio mugimenduen herrialdea, 2000 urtetik egun arte,
etorkinen etorrerak hazkunde handia izan du eta, ondorioz, gure herriek geroz eta kultur aniztasun zabalagoa dute. Aniztasun horrek integrazio eta bizikidetza egokia lortuz gero, kultur aberastasun ikaragarria ekarriko digu herri gisa. Bestalde, integrazioa osoa izan dadin, euskal kultura ezagutu eta hizkuntzan murgiltzea ezinbestekoa da bai etorkinentzat baita bertako euskaldunontzat ere.
Hizkuntzaren aldeko motibazioa sortzeko, alde batetik, etorkinek oinarrizko beharrak asebeteta izatea behar beharrezkoa da eta, bestetik, euskara ikasteko baliabide egokiak eskaini behar zaizkie.
Haberen Aisa harrera ikastaroak etorkinei zuzendutako ikastaroak dira, hizkuntza berriarekin lehen kontaktua izan dezaten sortutako ikastaroak. Baina, nolakoak dira ikastaroak? Zein material
didaktiko erabiltzen da? Egokia al da material hori?
Hitz gakoak: immigrazioa- euskara- integrazioa- Aisa harrera ikastaroa-material didaktikoa