New books - Liburutegia - ikasbil.eus

Skip to Main Content

euskara eu
español es
English en
français fr

Habe Liburutegia
Services
Thematic bibliographies
Newcomers

Habe Liburutegia
Services
Thematic bibliographies
Newcomers
- Language:
  euskara eu español es English en français fr

Search

New books - Liburutegia

Novedades

Filter by

Search by author only

buscador.filtrarPorAutor

Book category

Teaching materials
Basque library
Applied linguistics

Applied linguistics

Sociolinguistics
Second language teaching
Psycholinguistics
Language and education
First language teaching
Linguistics

Basque library

Literature
Philosophy. Psychology
Social sciences
Mathematics. Natural sciences
Applied sciences
Art. Geography. History

Teaching materials

Basque
English
French
Spanish
German
Catalan
Other languages

Level

A1
A2
B1
B2
C1
C2

Date

Last 5 years

Start date

End date

Order

Publication date
Visits

5122 results

10 Items per Page

4
8
20
40
60

Showing 331 - 340 of 5,122 results.

← First
Previous
Next
Last →

05/09/2025 | 183

Gernika batailoia : askatasunaren ametsa

Gernika ez da bakarrik bonbardaketa, Picassoren margoa edo izen hori zeukan informazio sarea. Munduko Bigarren Gerla hastear zegoela, naziek Euskadiren askatasunaren sinboloa suntsitu nahi izan zuten. Entsegu orokor odoltsuan Bizkaiko herria Europa osoko lehen biktima izan zen. Dolua dolu, oraindik zutik ziren euskaldunek ez zuten sekula duintasuna galdu. Zortzi urte geroago, Reich-a erorarazteko amerikarrek eta errusiarrek Berlin inguratzen zutela, okupatzaile naziengandik Frantzia osoki askatzen laguntzen agertu zen Gernika: Gernika Batailoia hain zuzen, Agirre lehendakariaren ametsa.
05/09/2025 | 183

San Carlos-eko kanoiak

1780. Beitia sarjentua eta bere dragoiak Texasko Azuzena Acostarekin batera doaz. Espainia Berriko lurraldean barneratu den talde bati jarraika ari dira, zeina baitago franko-kanadarrez eta sauk-renard indiarrez osatuta. Hainbat triburen lurraldeak zeharkatu ondoren, iheslarien arrastoa galdu, eta Beitia sarjentuaren taldea Louisianako Sainte Genèvieve herrira iritsi da. Han, Thérèse Beaubien ezagutuko dute, Armand-en ama. Bertan jakinaraziko dietenez, britainiarrak —gerlari kopuru handia hartuta, horratik!—, Mississippin behera datoz, San Luis de Ilinueses herrira buruz, erasotzeko asmoz. Iheslariak gerlari talde handi horren parte direla pentsatuz, Azuzena Acosta eta Beitia sarjentuaren dragoiak San Luisera joango dira eta, han, historikoki San Carlos gotorlekuaren bataila izenez ezagutuko den honetan parte hartuko dute.
05/09/2025 | 214

Gizaberetxoak gara : Joxe Azurmendi feminismoekin elkarrizketan

"Asi gaitezen komunismoarekin alkar-izketan" aldarrikatzen zuen Joxe Azurmendik 1964an, 23 urterekin. Biziberriitzeko, ikusi, ikasi eta berritzea omen zegokien euskaldunei, entzun zaleak izatea. Bada, hirurogei urtetik gora beranduago, Azurmendi bera zenbait autore feministarekin (Jule Goikoetxea, Judith Butler...) elkarrizketan jarri du liburu honek. Ustez bi mundu ezberdinetakoak izanagatik, gizakia eta mundua ulertzeko moduetan pentsa zitekeena baino gertuago daudela erakutsi da: giza jainko zeru-semearen kritika, gorpuztasunaren aitortza, natura/kultura bestela josteko saiakera, hizkuntzaren zentraltasuna, loturetan eta loturei eskerrak askatzeko egitasmoa,.. Eta, oinarrian, intuizio partekatu bat: "Gizaberetxoak gara". Horrela, Azurmendiren baieztapena berretsi, gaurkotu eta aberastu da.
05/07/2025 | 177

Diesel

lkarren antzik ez duten zazpi narraziok osatzen dute Bertol Arrietaren hirugarren ipuin liburua, nahiz eta guztietan agertzen diren bizitzarekiko eszeptizismo puntu bat erakusten duten gizabanakoak, heroitasunik batere gabeko egunerokoaren heroi arruntak, diesel jendea: errutinari aurre egiteko grinarik gabe dabilen idazle blokeatua, haurren urtebetetze ospakizunak kondena zaizkion aita etsia, laurogeitaka urteko pintore baten misterioa deskubritu nahi duen kazetari prekarioa, suizidaren maitasuna bilatzen duen mutilzahar desesperatua… Eta hala ere, edo justu horregatik, Bertol Arrietaren liburua ez da batere pesimista, ipuin ia guztiak zeharkatzen dituen umore ukitu -batzuetan malenkoniatsu- batek, bizitzaren ataka gaiztoei irribarre batekin aurre egin nahi horrek, hondo-hondoan ikuspegi bitalista bat ezkutatzen baitu.
05/07/2025 | 205

Gatazka eta abusua ez dira gauza bera

Gatazka eta abusua ez dira gauza bera liburuak Sarah Schulmanen Conflict is not abuse (2016) liburutik hartzen du izenburua, eta zigorraren logikak gatazken konponketa eta osatzea ezinezko bilakatzen duela hausnartzen du. Argitalpen honek bost atal dauzka: (1) Punitibismoa, (2) Sexu-indarkeria, (3) Zis gizonik edo erasotzailerik ez dagoenean, (4) Kantzelazioak eta (5) Kasu instituzionalak. Bost alde horietatik egiten du liburuak gogoeta, eta zigorraren kultura kritikatzen du, emakumearen askapena ardatz hartuta.
05/07/2025 | 118

Bi gehi bi (eta nire nerabezaroko beste enigma batzuk)

Bizitzan, bi gehi bi ez da beti lau izaten. Bestela, galdetu Diegori: Roberto delako hori gelara iritsi zenetik, Diegoren bizitza domino piezak bezala ari da jausten. Irenek dagoeneko ez du berarekin egon nahi, gurasoen arteko harremana krisian dago, futbolak ere bazterrera utzi du gehien behar duenean. Dena ateratzen zaio gaizki! Eta okerrena da egoera konpontzen zenbat eta gehiago saiatu, orduan eta gehiago okertzen duela. Diegok egoera zoro askori egin beharko die aurre nerabezaroko enigma handien erantzuna bilatu ahal izateko... Bi gehi bi lau dira?
05/07/2025 | 184

Puntobobo

Ez da normala izango, esan zion medikuak haurrak urtebete zuenean. Jaio aurretik, ordea, Amak jakin bazekien barruan zeraman haurra ez zela besteak bezalakoa izango. Amak alaba etxean isolatu zuen, eta herritarren txutxu-mutxuak areagotu egin ziren. Hain zen estua bien arteko harremana, beste alaba baten jaiotzak ez baitzuen hori haustea lortu. Etxe heze eta ilunean sustraituko dira hiru emakumeak, asinkronia batean bizilagunen usteak inguratuta, sufrikario eta errezoen artean, patu ankerrari begira.
05/07/2025 | 129

Trumpet

Mateo gazteari de-dena aldatu zaio, kalean jotzen duen Malik tronpetari estatubatuarra lehen aldiz ikusi duenean. Musikaria jazz jotzaile ospetsua izan zen, eta haren iragana Mateo berarekin eta haren txakur Trumpetekin izango dituen bizipenekin tartetatuko da. Mutilak gero eta jakimin handiagoa izango du musikari buruz eta gizonaren bizimodu ezegonkorrari buruz, eta horrek bin adiskidetasun harreman berezia markatuko du
05/07/2025 | 156

Lurraren taupadak

Elezaharrez, antzinako borrokez eta naturaren taupada geldiezinez inguratuta hazi da Aturi, aldi berean bizileku eta etsai izan daitekeen oihanean. Txikitatik, bere herriaren, mukaxien, jatorria azaltzen duten istorioak entzun ditu, eta ehizaren, biziraupenaren eta basoko espirituekiko errespetuaren sekretuak ikasi ditu. Baina bere patua gertaera tragiko batzuek markatuko dute: aitaren erailketak, katakanu beldurgarrien aurkako gerrak eta bere erresistentziaren mugara eramango duen erbesteratzeak.
Prosa erakargarria eta erritmo bizia darabiltza Jon Arretxek, irakurlea iniziazio eta erresistentziako kontakizun epiko batean murgilarazteko; tradizioa eta magia elkartzen ditu biziraupenaren aldeko borrokaren gordintasunarekin. Lurraren taupadak ez da abenturazko istorio bat huts-hutsik, lurrarekiko loturari, arbasoen memoriari eta patuaren bilaketari egindako kantua ere bada.
Espainiako sari nazionalean finalista izan zen.
05/07/2025 | 213

Mutila izatea

Masato, Igor, Feti, Antton eta Amets lizeo berberera joaten dira, freskagarriak hartzen dituzte elkarrekin, atrakzio-parkera joaten dira, maitemindu egiten dira... Nor bere modura saiatzen da besteekiko harremanaren eta bere maskulinitatearen inguruko galderei erantzuten. Liburu honek kolokan jartzen ditu ezarritako kodeak, eta ikusarazten du posible dela nork bere burua beste modu batean garatzea, klixeetatik urrun.

10 Items per Page

4
8
20
40
60

Showing 331 - 340 of 5,122 results.

← First
Previous
Next
Last →

Jarraitu

HABEren Orriak

Habe Ikasten Ikasbil Irakasbil

Legal information