New books - Liburutegia

06/01/2022 | 240

Garazin antzerki 3

Garaziko lizeoko ikasleek eman lau antzerki hemen argitaratzen dira:

Doktor Novartis 2000

Globokop 2004

Falestina 2007

Ur 2011

05/27/2022 | 186

Egile berriendako literatur lehiaketa, 2021 : saritutako lanak : [narrazio laburra, olerkia].

Iruñeko Udalak antolatutako 2021eko Egile Berrientzako Euskarazko Literatur Lehiaketan saritutako lanak biltzen ditu liburu honek.

05/27/2022 | 213

Ahozko euskal literatura : antologia bat

Ahozko tradizioa gazteentzat? Nola ba? Hain kontu zaharrak? Badirudi gazteek ez dutela estimatuko tradizio zaharra. Baina, tradizio zahar horretan pixka bat arakatzen hasiz gero, gaur egungo irakurleei emozio ugari eragiten dizkieten testu asko ageri dira. Pieza batzuk kantariek musikaturik entzun izan dira, gainera. Baladetan ageri diren gatazkak eta sentipenak durduzagarriak dira edozein adinetan; baladetako hizkuntzaren doinua harrigarria da. Ipuin zaharrei dagokienez, haiek irakurriz edo entzunez, umorea, intriga bizia, ikuspegi magikoa... dasta daitezke. Esaera zaharretan murgiltzen bagara, tradizioko pentsamendua gaurko ikuspegiekin erka dezakegu. Igarkizunekin, koplekin, berriz, haien ingenioa, umorea, zirtoa goza ditzakegu. Ahozko tradizioa ezagutzeak euskal kulturaren erroetan barrena osteratxo bat egiteko aukera ematen digu.

05/27/2022 | 166

Euskal Autonomia Erkidegoko gizarte-ekonomiari buruzko kontakizuna

Lan honetan Euskadin Gizarte Ekonomia osatzen duten familia desberdinen errealitatea aztertzen da: Kooperatibak, Lan-Sozietateak, Enplegu-Zentro Bereziak, Laneratzeko enpresak, Arrantzaleen Kofradiak, Eraldaketarako Nekatzaritza-Sozietateak, Mutualitateak, Elkarteak, eta Fundazioak. Gainera, Euskadiko Gizarte Ekonomiaren azterketa dago, eta Ekonomia Solidarioari erreferentzia. Familia bakoitzean, bere egitura juridiko propioa aztertzeaz gain, datu sozioekonomiko eguneratuak eman, erakundearen egitura azaldu, bere ezaugarri nagusiak azpimarratu, eta Gizarte Ekonomiaren familia bezala dituen erronkak mahaigaineratu dira. Lan honek Eusko Jaurlaritzaren Lan eta Enplegu Sailaren dirulaguntza eduki du. Hiru euskal unibertsitateen artean egindako lana da: Euskal Herriko Unibertsitatea, Deustuko Unibertsitatea, eta Mondragon Unibertsitatea. Euskadiko Gizarte Ekonomiaren sektoreko entitate ordezkari guztien laguntza eduki du baita ere.

05/27/2022 | 178

Harald eta Ignir-en altxorra

VII. mendea Harald, Dagmar-en seme eta bikingoen erregea, espedizio baten buru doa Ipar itsasoaren ertzean, bere aitaren bizia salbatzeko asmotan, zeina madarikazio baten mende erori baita itsasoko herentsuge Ignir-en altxorraz jabetzeagatik. Dagmar poliki-polki hiltzera zigorturik dago, baldin munstroari ez badio itzultzen erabateko ahalmena ematen dion harribitxia. Harald-ek bere adore eta ausardia beharko ditu galdutako harribitxia berreskuratzeko. Istorio osoa bi liburukitan.

05/26/2022 | 302

Subnormala : eskola-jazarpenari buruzko istorio bat

Iñaki Zubizarreta, gorpuzkera izugarri sendoko saskibaloi-jokalari ohia, bullyingaren gogorkeriaren biktima izan zen eskola-garaian. Haren garaierak eta indar fisikoak ezer gutxirako balio izan zioten jazarle saldoaren aurrean, eta heriotzaren amildegiraino ere eraman zuten. Denok gara zaurgarriak. Fernando Llor-ek idatzi du egiazko istorio honen gidoia, eta Miguel Porto-k egin ditu ilustrazioak, Iñakiren ikuskaritzapean. Izan ere, Espainian izugarrikeria horren aurka dihardutenen irudia dugu Iñaki.

05/26/2022 | 287

Auña

Liburuxka honetan, ehun hitz baino gutxiagoko hogeita bat testutan barrena bidaia egingo du irakurleak. Idazki hauek Pirinioetako kondairei ahotsa ematen diete. Hiru asteko ibilaldia izango da, beraz, Barkoxetik Gabardito aterpera eta Sobrarberaino. Artzain eta erromesen bidexka zaharrak zeharkatuz, otsoaren eta hartzaren beldurrez egindako txangoa izango da. Egun otsoa ezta hartza ere han egon ez arren, irakurketa txiki hauetako aspaldiko bi kideek, bertan agertzen diren irudi iradokitzaileekin batera, Pirinioetako duela milaka urteko atmosferan sartuko gaituztelakoan gaude.

05/26/2022 | 210

Euskaltzaindiaren "adierazpenak" : euskararen sustatzea (1976-2021)

Euskaltzaindiaren zereginetako bat euskara zaintzea eta aitzinatzea da. Xede hori bete ahal izateko, besteren artean, Akademiaren erantzukizuna da Euskal Herriko erakunde publikoei behar diren baliabideen bermea aholkatzea eta eskatzea. Eta hizkuntza erakunde ofiziala den aldetik, hori egin izan du erakunde publikoek bere irizpena eskatu diotenean. Halaber, berme hori kolokan jarri edo ukatu izan den bakoitzean, bere kezka jendaurrean agertu izan du. Euskaltzaindiaren ardura horren lekuko dira urteetan zehar, eta azkeneko lauzpabost hamarkadetan bereziki, plazaratu dituen adierazpenak.

05/17/2022 | 313

Aztarna faltsuak

Frankek Johnson marshal famatuaren rola jokatu du 15 urtez Woodstoneko eguneroko ikuskizunean. Bere psikiatraren iritziz, obsesionatuegi dago, kontuan hartuz Frankek bere arma atera zuela turista baten aurrean. Rol horretarako ofizialki “zaharregi”-tzat jo ondoren, Frankek dena galdu du. Itxaropen bakarra du, Mendebaldera antolatutako ibilaldi bat, lagunek opari egin diotena. Ez du finikitoa eta 1880 modeloko Colt Simple Action bat beste ekipajerik. Eta, bere arimaren barruenean, berridatzi beharreko elezahar bat

05/17/2022 | 245

Zaporeen abentura

Hala ere, etxean janaria prestatzen dugunean, elikagai nahasketak ere garrantzitsua izan behar luke, ez bakarrik gure osasunerako, baita plater baten zaporea ezin hobea izateko ere. Komiki hauek garrantzi handia ematen diete zaporeei, plater tradizional bat nabarmentzen saiatzen baitira, sinplea, baina oso gozoa. Kontakizun grafiko hauetako bakoitzak modu originalean erakusten digu zein garrantzitsua den dieta osasungarria egitea, baita janari tradizionalen nabarmentasuna ez galtzea ere. Egia da sormena funtsezkoa dela, baina lehendik dagoenetik abiatuta sortzeko aukera ere badago. Berritzea ez da beti gauza nagusia, jada lehendik dagoena gorde eta baloratu beharko genuke. Sukaldari ospetsuenentzat funtsezkoa da sukaldaritzako plater batek izan dezakeen zapore aniztasuna

New books - Liburutegia

Novedades