irudia
Author: Joseba Aurkenerena

Gureak eta mundu zabalekoak

Beti izan dut bizitza aztergai, bizitza bere arlo eta alde guztietan gainera, historia, kultura, misterioak,… maite izan baititut betidanik. Gizakiaren bideak, gizakiaren ekintzak, gizakiak egindakoko urratsak izan ditut beti mintzagai. Sobera dakit gizakia ez dela unibertsoaren ardatza, inurri bat, besterik ez dela, baina nik, espezie horretakoa naizenez gero, gizakiak asmatutako neurrietan kokatzen dut nire burua. Euskalduna naiz, Euskal Herria maite dut, haren etorkizun askeaz amesten dut… eta horregatik, aunitzetan, nire azterlanak, nire gogoetak, nire bizierak, euskal kulturan edota euskal gizartean oinarritzen ditut, baina ez beti, mundu osoan, zibilizazio guztietan egindakoak, onak eta txarrak izanda ere, neurri batean nire egiten baititut. Azken finean, euskalduna izateaz gain, errotik gizakia bainaiz, eta gureak, hau da, Euskal Herrikoak gizateria osoaren ondare diren bezalaxe, gainerakoak ere, hau da, mundu zabalekoak, gureak ere badira neurri berean.

 

 

 

 

Visit HABE's profile on Pinterest.