Aresti profeta-poeta indibidual gisa ageri bazaigu ere, haren poetika garaiko euskararen, fedearen edota iraultzaren ezinegon kolektiboen sintoma gisa azter daiteke. Kontrara ere, euskara, euskal kultura edota aitaren etxeari lotutako irudikapenen jatorria sormen-prozesu konkretuetan atzeman daiteke. Dimentsio sozial eta literarioaren, autorearen eta testuinguruaren, sormenaren eta errepikaren arteko mugetatik begiratzen zaio hemen Arestiren poesiari, literaturaren soziologiaren tresnak erabiliz.

Lan honek Arestiren obra poetikoa irakurtzeko euskal kultura-esparruaren egituraketa eta dinamikei erreparatzen die. Poetika harreman soziala da, ondorioz testuinguru zabalagoan diharduten eragileekin elkarlan, tentsio eta eztabaidan dago. Testua identifikazio-prozesu desberdinen bitartez ehuntzen duen lekua da: esparru sinbolikoan txertatu egiten den izen propioa eta euskal kultura-esparruan txertatzen den mandatua. Idazketa praktika gorpuztua da, esparruan antzeko ibilbidea izatearen ondorioz hausturaren belaunaldiaren ethos autodidaktarekin bat egiten du. Arestiren sakrifizio-eskema, genero-ikuspegia eta literatura desharagiztatua ikasbide haragiztatu horretan kokatzen dira hemen.

Pako Aristik Idazki politikoak haren azken liburua aurkeztuko du gaur, azaroak 15, 19:30ean, Karrikiri euskal dendan. Liburuaren hitzaurrea egin duen Xabier Monasteriorekin batera eginen du aurkezpena.

Liburua Aristik 2012tik 2020ra Berria egunkarian argitaraturiko artikuluen antologia da.  Monasteriok hitzaurrean dioenez, “oraingo egoera gainditzen laguntzeko ehunka ideia eta pentsamendu” biltzen ditu.

Liburua Herrima argitaletxeak argitaratu du. Argitaratzen duen bigarren artikulu-bilduma da hau: lehenago, aurten bertan, Joxe Manuel Odriozolaren Nazio euskaldunaren atarramentua plazaratu du.

Liburuak azaltzen ditu 1970ko hamarkadatik 1990eko hamarkadara euskal arraunlariak, Espainiako eta Frantziako selekzioen partaide gisa, lortu zituzen emaitza gogoangarriak. Urte haietan, euskal arraunlariak munduko elitean aritu ziren; zehazki, 60 finaletan parte hartu zuten, eta badira 23 arraunlari dominadun, beren ibilbidean gutxienez domina bat irabazi zutenak.

Lasurtegik, Kortak, Puertasek, Redondok, Elizaldek, Goikoetxeak, Genobak, Urbietak eta abar luze batek Euskal Herriaren izena munduko estropada-eremutara eta podiumetara eraman zuten.

Protagonisten adierazpenez gain, Etxeberriak munduko txapelketa haietako emaitzak ere tartekatzen ditu, 90tik gora argazkiekin batera.

Nobedade gisa, egileak argazki eta filmen artxiboak txertatu ditu QR kodeen bidez. Irakurleak gure arraunlarien estropada historikoak ikusteko aukera izango du.

Liburuaren hitzaurrea Los Angeles-84ko JJOOetan zilarrezko domina irabazi zuen Luis Mari Lasurtegik idatzia da.