2005ean eta 2006an, Aditu programaren barruan ahotsaren teknologien eta hauen aplikazioak hedatzeko hainbat ekintza jarri ditu martxan Eusko Jaurlaritzak. Horien artean, Belgikako Nuance enpresarekin ahotsa ezagutzeko eta sintetizatzeko motoreak euskaraz garatzeko eta merkaturatzeko hitzarmena sinatu du. Teknologia hauei esker, Euskadiko enpresetan eta erakundeetan aplikazioak garatuko dira, zerbitzuak eta produktuak euskaraz eskaintze aldera.