Iragan irailaren 22an, Paula Marcela Moreno Kolonbiako Kultura ministroak eta Luis Armando Soto Botin Espainiako enbaxadako ministro aholkulariak HABEra egin zuten bisita.

Erakundeko zuzendari nagusiarekin, zerbitzuburuekin eta beste hainbat lankiderekin bildu ziren, erakundearen egitura eta programa nagusiak ezagutu asmoz. HABEren liburutegia ere ezagutu zuten. Jarraian, HPSeko sailburuordearekin eta zuzendariekin ere bildu ziren, euskararen normalizazio lanak zuzenean ezagutzeko.

Irailaren 25ean Euskalduna Jauregian egindako ekitaldi akademikoarekin inauguratu zen helduen euskalduntzearen 2007/08 ikasturtea.

Ekitaldian partaide izan ziren Miren Azkarate  andrea, Eusko Jaurlaritzako Kultura sailburua eta HABEren presidentea, Patxi Baztarrika, Hizkuntza Politikorako sailburuordea, Aitor Etxebarria Udal euskaltegien ordezkaria, Mertxe Mujika, euskaltegi pribatu homologatuen ordezkaria, Joseba Erkizia, HABEren zuzendari nagusia eta Juan Carlos Moreno Cabrera, Madrilgo Unibertsitate Autonomoko Katedraduna. Azken honek eman zuen sarrera hitzaldia, "del bilingüismo pasivo al bilingüismo activo" izenburupean.

Liburuaren izenburua da INPUTetik OUTPUTera. Bigarren hizkuntzaren eskurapena: irakasleentzako gidaliburua eta Bill VanPatten-ek idatzi du.

Zer egiten dute ikasleek beste hizkuntza bat eskuratzen dutenean? Zein etapatatik pasatzen dira? Zein itxura du bigarren hizkuntza horrek? Zelako akatsak egiten dituzte ikasleek? Zein eragilek baldintzatzen dute eskurapena? Horra hor, besteak beste, liburuaren egileak mahai gainean jarri eta erantzuten ahalegindu den hainbat galdera. Bill VanPaten-ek xehe-xehe azaltzen ditu erraz ulertzeko moduan gaur egun hizkuntz irakaskuntzaz dakizkigun ipi-apa behinenak. Merezi duen liburu baten aurrean gaude ezbairik gabe.
 

Susuko Tamuraren ikasle, Tokion hasi zen euskara ikasten. Gerora, Euskal Herrira etorrita, Maizpide euskaltegian aritu zen 10 hilabetez euskara hobetzen, lehen saio batean. Bigarren saio bat ere egin zuen lau hilabetez, eta ondoren, EGA agiria lortu zuen.

Ebazpena, 2008ko uztailaren 4koa, HABEren zuzendari nagusiarena, helduen euskalduntzearen oinarrizko kurrikuluan ezarritako lehen, bigarren, hirugarren eta laugarren mailak egiaztatzeko proba idatzien behin-behineko emaitzen kontra aurkeztutako erreklamazioak ebazten dituena

Etengabeko prestakuntzaren bidean urrats berriak egiteko,11 prestakuntza-ekitaldi berri eratu ditu HABEk irailetik maiatzera bitartean: sei, irekiak; eta talde bereziei zuzenduak gainerako bostak.