Deklaratzekorik ez

Beñat Sarasolaren lehen nobela honetan, protagonistaren lagunartea, amodiozko harremanak eta aitarekin duen harremana kontatzen dira. Hori guztia euskal gatazkaren erdian kokatua.

Egilea: Beñat Sarasola
Argitaletxea: Susa
Argitalpen-urtea: 2019

 

 

Liburuan izenik ez duen pertsonaia bakarra da protagonista, eta haren harremanek ardazten dute nobela. Halere, pertsonaiak une oro izango du alboan iraganaren zama: «1990eko hamarkadan kale-borroka besarkatu zuen belaunaldiaren ajea eta ondorena» ere kontatzen ditu liburuak, Harkaitz Canoren esanetan. Eta nabarmena da pertsonaia nagusiari gazte-denborak utzi dion arrastoa.

  

Hona pasarte bat:
      Barkatu, jauna, hemen ezin da erre.
 Harriduraz begiratu dio, tabernatik kanpora dago, terrazako mahai batean, eta ez du ulertzen  zergatik ezin duen. Zerbitzaria, antza, bere harriduraz ohartu da.
      — Haur-eremu batean dago kokatuta taberna, horregatik da.
  Zigarroa altxaturik, alde batera eta bestera so egin du, non arraio itzal dezakeen bila; ez da aurkitu hautsontzirik, noski, eta azkenean, zerbitzaria jada tabernara itzuli dela baliaturik, lurrera bota du, eta indarrez zapaldu, sute-arriskua ekidin nahi balu bezala. Urteak dira hara igo ez dela, haur zenetik kasik, esango luke, eta marka da gero zer eta egokiera horretan bueltatu beharra.

Bideo honetan eleberriaren egileari eginiko elkarrizketa duzu ikusgai:

 

Orrialdeak: 302

Interesatzen zaizu

  • Hariak

    Hariak

    Hiru emakumeren begirada baliatu du Yoseba Peñak 50 urteko historia hainbat istorioren bidez jorratzeko, Errepublika garaian hasi eta 1980. urte aldera arte. Ezarritako mugetatik haratago doazen emakumeen kemenak gidatuko du irakurlea memoria historikoan barrena.

    Hariak
  • Hondarrak

    Hondarrak

    Nobela honek, Tupa presoaren ikuspegitik, bi gai uztartzen ditu: euskal gatazka eta Tuparen amonaren herria, Uxue, urteen poderioz husten ari dena. Eta bada beste hondar-mota bat ere: belaunaldien arteko transmisioaren etena.

    Hondarrak
  • Militantzia galdu ote da?

    Militantzia galdu ote da?

    Marisa Barrena euskararen eta feminismoaren aldeko militantea da, eta gaztetatik bi esparru horien aldeko hainbat ekimenetan hartu du parte.

    Militantzia galdu ote da?
 
 

Comments
Login for comment

C2 / C1
Oct 29, 2019
Number: 49220781
Dialect:
  • Batua
Number of visits: 189

You may be interested