Learn playing / Tales

ipuinak
Imprimir
  • Type: Bestelakoak
  • Keywords: ufada, marraskatu, hodeitzar, arratoikume, xarmant, habia, ortzi, eguzki, aberats, haize, senar, alaba, horma, ipuin, arratoi, ezkontza
  • Number of visits: 1567

Arratoien ezkontza

HABE aldizkariaren 10. alean eman zen argitara ipuin hau, 1982an. Testua eguneratuta ekarri dugu orain IPUINAK atalera.

Bazen behin batez arratoi bikote aberats bat. Oso aberatsak ziren, urtetan garia, artoa, ilarrak eta zenbait barazki erruz biltzea lortu zuten.

Ez zuten seme-alabarik, ordea, eta familia izatea zen beren ilusiorik handiena. Sekulako ahaleginak egin zituzten eta, azkenean, arratoi amak alabatxo bat izan zuen.

Munduko arratoirik politena izatera heldu zen eta aitak bere alaba kuttuna ezkontzea erabaki zuen. Ez zuen, ordea, inguruan bere alabarentzako moduko inor ikusten.

Gogoeta asko egin ondoren, guraso arratoiek esan zuten: «Gure alaba munduko arratoirik ederrena da. Berarentzat munduko senarrik hoberena aurkitu behar dugu».

Eta aitak asko pentsatu ondoren, erabakia hartu zuen: «Ortzian nagusi den Eguzkia da munduan lehena».

Bikotea eta beren alabatxoa ortzira joan ziren. Heldu zirenean, aitak Eguzkiari begirune handiz esan zion:

«Eguzki Jauna, zu zara munduan lehena, Nire alaba emaztetzat hartzea eskatzen dizut, bera baita arratoirik xarmantena. »

-Eskertzen dizut - erantzun zion Eguzkiak-, baina bada ni baino gehiago dena.

-Zein da, bada, Eguzkia baino gehiago?

-Hodeitzarra. Nik berotu nahi badut ere, aurrean Hodeitzarra jartzen bazait, ezinezkoa gertatzen zait; ni baino gehiago da bera.

-Halaxe da, eta gu konturatu gabe - baieztatu zuen arratoi aitak.

Eta Eguzkia agurtu ondoren, Hodeitzarraren etxera joan ziren. Aitak eskari bera egin zion Hodeitzarrari.

-« Eskertzen dizut, biziki eskertu ere - erantzun zion Hodeitzarrak - bada baina ni baino gehiago dena.»

-Zein?, galdetu zioten harriturik.

-Haizea. Bere ufadaz bultzatzen nauenean, nik baino indar gehiago du.

-Egia da!

Eta Haizearengana joan ziren, gauza bera eskatzera.

-Oso harro jarri zen haizea, baina gero apalki aitortu zien: «Bada ni baino gehiago dena».

-Zein, bada?

-Horma- erantzun zien. Hormak gerarazten nau ni; haren aurrean amaitzen dira nire indarrak.

Lasterka irten ziren Hormaren bila eta beren eskaria egin zioten.

-Ez zabiltzate zuzen- erantzun zien Hormak. Ezagutzen dut ni baino gehiago dena.

-Nola? Esan azkar, zein da hori?

-Zu zeu, arratoi jauna. Sendotzat hartzen nauzu, baina arratoiek nire oinarria marraskatzen badute, bertan behera erortzen naiz. Ezin, bada, nik halako arratoirik emaztetzat hartu.

Aita txunditurik geratu zen eta Hormak esandakoari bueltak ematen ari zelarik, oihuka esan zuen:

«Ez naiz orain arte konturatu; arratoiok gara munduan indartsuenak.»

Etxera heldu zirenean, arratoien artean Txusuke aukeratzea erabaki zuten beren alabaren senar bezala.

Senar gaztea pozik bizi izan zen munduko arratoirik xarmantenarekin. Arratoikume pila ederra izan zuten eta beren habian zoriontasunik gozoena izan zuten.

HIZTEGI LAGUNGARRIA

APALKI AITORTU- Umilki esan.
BAIEZTATU - Afirmar.
BARAZKI - Ortuaria: Hortaliza.
BEGIRUNE- Errespetu; begiramen.
ERABAKI - Decisión. Erabakia hartu; deliberatu.
ERRUZ – Ugari.
ESKARI - Petición.
EZINEZKO - Imposible.
GOGOETA- Hausnarketa.
HABIA - Kabia. Nido.
HODEITZAR - Hodei handia.
ILAR - Guisante.
MARRASKATU- Roer.
ORTZI - Firmamento.
TXUNDITURIK – Harriturik.
UFADA - Putzaldia. Soplido.
XARMANT - Xarmagarri; liluragarri: Encantador/a.
 

 
 

Comments
Login for comment

You may be interested

  • Azeriak
    Text Irakurriaren ulermena
    0
    Number of comments
    izar grisa
    izar grisa
    izar grisa
    izar grisa
    izar grisa

    Azeriak

    Tales - May 31, 1982 - 1289 Visits
  • Dar-dar-dar

    Anjel Irigaray

    Text Irakurriaren ulermena
    Basque traditionals
    0
    Number of comments
    izar grisa
    izar grisa
    izar grisa
    izar grisa
    izar grisa

    Dar-dar-dar

    Tales - May 30, 1982 - 1604 Visits
  • Tutulu

    Mikel Zarate

    Text Irakurriaren ulermena
    Others
    0
    Number of comments
    izar grisa
    izar grisa
    izar grisa
    izar grisa
    izar grisa

    Tutulu

    Tales - May 27, 1982 - 2439 Visits
  • Larretxoria eta igelak

    Theodore Roszak

    Text
    Others
    0
    Number of comments
    izar grisa
    izar grisa
    izar grisa
    izar grisa
    izar grisa

    Larretxoria eta igelak

    Tales - May 26, 1982 - 3019 Visits
  • Triste hago

    Xabier Amuriza

    Text
    Basque traditionals
    0
    Number of comments
    izar grisa
    izar grisa
    izar grisa
    izar grisa
    izar grisa

    Triste hago

    Tales - May 24, 1982 - 1584 Visits
  • Tartalo

    Resurrección María de Azkue

    Text Irakurriaren ulermena
    Basque traditionals
    0
    Number of comments
    izar grisa
    izar grisa
    izar grisa
    izar grisa
    izar grisa

    Tartalo

    Tales - Apr 27, 1982 - 4489 Visits
  • Aurrez aurre bat

    Kirikiño

    Text Irakurriaren ulermena
    Others
    0
    Number of comments
    izar grisa
    izar grisa
    izar grisa
    izar grisa
    izar grisa

    Aurrez aurre bat

    Tales - Jul 20, 1983 - 1314 Visits
  • Etxegiroan.com

    Etxegiroan.com

    Etxegiroan.com atarian aurkituko ditugunak narrazio laburrak, poemak, liburuen pasarteak eta haurrentzako ipuinak dira, ahoz grabatuak eta musikaz batera eskainiak. ...[+]

    Services and resources - Jul 26, 2010
  • Radio Dramas

    Radio Dramas

  • Narration exercises

    Narration exercises