Docutec Card

Iñigo Muguruza, euskal musika talde askoren arima

Euskal musikagintzan erreferentziazkoak izan diren taldeetan aritu zen Iñigo Muguruza: Kortatu, Delirium Tremens, Negu Gorriak, Joxe Ripiau, Sagarroi, Lurra eta Hiru Leike. Duela urte batzuk esklerosi anizkoitza diagnostikatu ziotenean bolada batean eskenatokietatik urrundu zen, eta atzo, irailaren 5ean, zendu zen.

Irunen (Gipuzkoa) sortu zen 1964an. Musikari lotutako familia batean hazitakoa, gazte hasi zuen bere ibilbide musikala, 14 urterekin. Baina 1984an Fermin anaiarekin eta Treku Armendarizekin Kortatu taldea sortu zutenean egin zen ezagun. Kortaturen ondoren etorri ziren, Delirium Tremens, Negu Gorriak, Joxe Ripiau eta beste hainbat proiektu.

Musika estilo ezberdinak landu zituen, rock gogorra, karibeko erritmoak, proiektu intimistagoak…Haren lana ezagutzen dutenek diote seguraski Joxe Ripiau izan zela bere proiekturik pertsonalena.
2015ean diagnostikatu zioten esklerosi anizkoitza. Bolada batean eskenatokiak utzi zituen, baina hala ere musikari lotuta jarraitu zuen.
Joseina Etxeberria, Euskadi Irratiko musika adituak honela hitz egin du Iñigo Muguruzaren ibilbideaz Kantu Kontari saioan.

Download Download

Transcription:[+] Transcription:[-]

Joseina Etxeberria.- Kortatun ezagutu genuen batez ere Muguruza anaietatik gazteena, Fermin eta Jabier anaiak baititu. Kortaturen azken urteetarako Delirium-ekin ere sartu edo hartara batu zen. 90eko hamarkadan Negu Gorriak eta Joxe Ripiau, eta azken hau ziurrenik bere proiekturik pertsonalena eta tira, horren ondotik Sagarroi, Hiru Leike eta beste asko.
Bajista, gitarrista, irakasle eta musikari bezain pertsona aparta bera. Esklerosiak asko aldendu zuen azken urteetan taula gainetik, eta dirudienez gaitz horrek eraman du azkenean.