Docutec Card

Etorkinentzako irudizko hiztegia: on-line eta CD formatuan

Aisa, etorkinak euskalduntzeko bildumaren baitan kokaturik, hona hemen Etorkinentzako Irudizko Hiztegiaren bi formatu berritan.

Aisa bildumaren nondik norakoak

Lehenik eta behin, gogoratu nahi dugu zertan den Aisa materiala. Euskara ikasteko oinarri-oinarrizko materiala da, Euskal Herrira iristen diren etorkinentzako harrera-ikastaroetan erabiltzeko materiala, etorkinek hemengo gizartea, ohiturak, etab. ezagutzeko eta euskara ikasteko lehendabiziko urratsak emateko. Etorkinak euskarara hurbiltzea du helburu, euskal gizartean hobeto integra daitezen. Izan ere, ikastunitate guztietan ikasleei aukera eskaintzen zaie beraien ohiturak eta gureak alderatzeko: janzkeran, familian, jateko orduan.

 

Hiztegiaren garrantzia

Hasierako maila honetan hiztegiari garrantzi berezia eskaintzen zaio eta horrexegatik antolatu ziren ikastunitateak gaien arabera (familia, eskola, garraioa, osasuna, kirola, azoka.), hiztegiaren lanketa sistematikoa eginez, eta argitaratu zen irudizko hiztegia zazpi hizkuntzatan. Irudizko hiztegian erabilitako hizkuntzak hauek dira: euskara, gaztelania, frantsesa, ingelesa, arabiera, berberera eta txinera, hauek baitira Euskal Herrira etorritako etorkinen gehiengoak hitz egiten dituen hizkuntzak. Ikusita liburu-formatuan argitaratu zen hiztegia oso arrakastatsua suertatu dela, beste bi formatuotan eskaintzea erabaki da: CD formatuan eta Interneten http://www.habe.org helbidean.

 

Etorkinentzako Irudizko Hiztegia CD formatuan

9 euroren truke eskuratu ahal izango duzue hiztegiaren CDa. Zazpi hizkuntza baditu ere, erraz nabigatuko duzue batetik bestera, bilatu nahi duzuen hitza erraz aurkitzeko modua eskaintzen baitu.

 

Ordenagailuaren gutxieneko ezaugarriak

Hauek dira Etorkinentzako Irudizko Hiztegia CD formatuan behar bezala ikusi eta erabili ahal izateko ordenagailuak bete behar dituen gutxieneko baldintzak: -PC bateragarria -Pentium III prozesadorea edo azkarragoa -64Mb-eko RAM memoria -100 Mb leku librea disko gogorrean -CD-ROM irakurgailua -Windows 2000/XP -Web nabigatzailea: -Internet Explorer 6 edo berriagoa -Mozilla 1.7 edo berriagoa

 

Etorkinentzako Irudizko Hiztegia Interneten

Lehenago esan dugun bezalaxe, HABEren web orrian dago eskura hiztegia. www.habe.orghelbidean sartu eta lehenengo pantailan bertan aurkituko duzuen pastillan klik egitea nahikoa da bistaratzeko. CD formatuan bezalaxe, nabigazio-sistemaren bidez oso erraz aurkituko dituzue edukia osatzen dituzten hitzak.

 

Zuzenketa-orria: Hona hemen euskarazkoa, osatuta: ETORKINENTZAKO IRUDIZKO HIZTEGIA OINARRIZKO LEXIKOA ZAZPI HIZKUNTZATAN Euskara, Gaztelania, Ingelesa, Frantsesa, Berberera, Arabiera, Txinera

 
 

Comments
Login for comment

A1 / A2 / B1
Apr 26, 2005
Number: 249190
Source:
Number of visits: 3820