Docutec Card

Jon eta Jone II. Trikuen holokaustoa (jj-78)

Jonek bat-batean autoa geldituko du trikua salbatzeko. Joneri ez zaio ondo iruditzen horrelako maniobra zakarra egitea.

Transcription:[+] Transcription:[-]

ATAL 78 Triku holokaustoa

 


JONE
     Zer pasa dira 4 hilabete elkar topo egin genuenetik? Eta elkarrekin bizitzeko galdetzen didazu?
JON
    Ba egia esan pentsatzen nuelako igual zuk ere nahi zenuela, baina garbi dago ezetz.
JONE
    Nikorekin bizi naiz. Zuk zer uste duzu, halako erabaki bat Ouijaren bitartez hartu daitekeela?
JON
    Eta, zein da arazoa? Ongi moldatzen naiz Nikorekin
JONE
    Ia eta zer? Hain erraza dela uste duzu?
JON
    Bueno, ez dakit erraza den edo ez, baina ez da lehendabiziko kasua, milioika bizi dira horrela. Zergatik izutzen zara beti gauza hauekin?
JONE
    Jon elkarrekin berriro bizitzen jartzen bagara horrek ez du atzera bueltarik eta bai horrek izutzen nau
JON
    Bueno Jone, ahaztu atzokoa, bale? Onartzen dut txorrada bat izan zela, are gehiago Ouija txorrada horrekin egin izana, aizu gero geratzeko gogorik?
JONE
    Bale
JON
    Zinemara joan gintezke.
JONE
    Ez dut hainbeste denborarik, beste pote bat hartu eta zinema astebururako utziko dugu?
JON
    Konforme. Zer nahi duzu beste kaña bat?
JONE
    Zuritoa hobe, apur bat piripi nago dagoeneko
JON
     Lasai eramango zaitut etxera gero, kotxea (autoa) gertu aparkatu dut.
JONE
    Jon, atzokoaz, batetik ilusioa egiten didala ere esan nahi nizun.
JON
    Atzoko zer?
JONE
    Elkarrekin bizitzearen kontua, gustatzen zait galdetzea, baina uste dut oraindik ez dela mementoa, bale? Moskeorik gabe.
JON
     Ez naiz une bakar batean ere moskeatu.
JON
    Azkenean ilundu du.
JONE
    Ia... “espuela” eta “espuela”...
JON
    Zinemara joateko denbora ematen zigun.
JONE
    Eta eskerrak amak ez zuela arazorik Nikorekin geratzeko.
JON
    Ostia!
JONE
    Zer gertatzen da Jon?
JON
    Ez duzu ikusi
JONE
    Baina Nora zoaz?
JON
    Memento bat besterik ez da…
JONE
    Baina nora zoaz?
JONE
    Baina jakin daiteke zer zen hori?
JON
    Triku bat.
JONE
    Eta zer egin duzu?
JON
    Ba ikusi duzu, hartu eta errepidetik ahalik eta urrutien eraman
JONE
    Nik ez dut ikusi ere egin.
JON
    Negua eta hotzaren amaieraren gauzarik okerrena da hau, triku holokaustoa hasten dela berriro ere.
JONE
    Hala! Holokaustoa esatea ere.
JON
    Errepidean kotxeak (autoak) zapaldutako dozenaka triku ikusten dut nik urtero. Nik bakarrik horiek guztiak ikusten baditut pentsa zenbat diren akabatzen ditugunak.
JONE
    Bizkaitarrez kirikiño esaten zaie, gustatzen zait kirikiño izena.
JON
    Ba horrela jarraituz gero izena besterik ez zaigu geratuko.
JONE
    Bueno baina nik beti entzun dut kotxean (autoan) ez dela maniobra zatarrik egin behar animali bat gurutzatzen bada, okerragoa izan daitekeela.
JON
    Animaliarentzat ez.
JONE
    Bueno Jon ez hasi konparatzen,  holokaustoa lehen eta orain pertsonak eta animaliak maila berean jartzen.
JON
    Egia esatea nahi baduzu nahiago animaliak.
JONE
    Behin irakurri nuen hori psikopata eta soziopaten artean ohikoa zela pertsonak maitatzeko arazoak dituztenek animaliak maitatzen dituztela.
JON
    Ba horrek ez dakit non uzten zaituen zu nire animalitxoa.
JONE
    Ikusitakoa ikusita, animali bat izatekotan kirikiñoa izan nahiko nuke, seguru nago auto-stop egiten izango banintz ez zinela geldituko.
JON
    Nahi duzuna esan, baina ez daukat kotxea (autoa) gelditu izanaren inolako damurik.
JONE
    Eta atzetik norbait bazetorren?
JON
    Baina ez zetorren.
JONE
    Bueno besterik gabe esan dizut... Aiii Kirikiño salbatzailea...eman pikito

Interesatzen zaizu

 
 

Comments
Login for comment

C1 / B2
May 4, 2015
Number: 1886808
Source:
Number of visits: 1469