Docutec Card

Dena prest elikagai-bilketarako

Dena prest dago asteburu honetan (ostiralean eta larunbatean) elikagai-bankuetarako janari-bilketa handia egiteko. Urtero bezala, Gabonen aurretik egingo dute Euskal Herriko hainbat tokitan janarien bilketa hori.

Euskal Telebistako erreportaje labur honetan, bilketa horren inguruko datuak emango dizkigute. Zuk ba al duzu elikagaien bilketa horren berri? Parte hartzen al duzu?

Transcription:[+] Transcription:[-]

KAZETARIA. Apalategiak hutsik elikagaien bankuetan gure elkartasunaren zain. Boluntarioak baikor dira Gabonetako janari-bilketa honekin.
BOLUNTARIOA 1. Lehengo urtean 650.000 kg bildu genituen, aurten zerbait gehiago egiten badugu hobe. Aber iristen garen pertsonako kiloa egitera: 700.000 kilora iritsiko bagina, helburua oso ondo beteta egongo litzateke [Gipuzkoako datuak].
KAZETARIA. Guztira, 2 milioi kilo elikagaien marka gainditzea espero dute Euskal Autonomia Erkidegoan. Bankuetako erabiltzaileak % 5 jaitsi dira azkeneko bi urteetan; halere, oraindik 44.000 pertsonak behar dute laguntza hau behar bezala jateko.
BOLUNTARIOA 2. [gaztelaniaz]Dauden beharrak lehengo urteko berdinak dira.
KAZETARIA. Bihar 7.000 boluntario egongo dira saltokietan elikagaiak batzen.
BOLUNTARIOA 1. Jendea badugu: 1.600 pertsona dira gutxi gorabehera dendetan banatuak, 79 denda ditugu elikagaien jasotzea egingo dugunak [Gipuzkoako datuak].
KAZETARIA. Espero dute egun bi hauetan urte osoko premien % 30 lortzea. Norberari asko kostatzen ez zaiona laguntza handia izan daiteke beste batzuentzat. Esan ohi denez, pixkaka-pixkaka egiten da puzka.

 

Interesatzen zaizu

  • Elikagaien bankuak

    Elikagaien bankuak

    Asteburu honetan janaria bilduko dute hainbat lekutan, gero behar dutenei emateko. Araban egingo den bilketari buruzko irratsaio bat ekarri dugu hona, ariketa batekin.

    Elikagaien bankuak
  • Elikagaien bankuak

    Elikagaien bankuak

    Banku hitza entzunda, dirua, buruhaustea eta krisia etortzen zaizkigu gehienoi burura. Krisiak, ordea, beste era bateko bankuak ezagutzera eman ditu gurean: Elikagaien Bankuak. Bai, krisiarekin egin dira ezagunak, baina horien lana aspalditik dator. Hain zuzen ere, 1967an sortu ziren Phoenix-Arizonan eta urtebete geroago, 1968an, Europan zabaldu ziren. Gipuzkoan, esaterako, 1997an sortu zen lehenengoa Oiartzunen, eta 2011n bigarren ordezkaritza zabaldu zuten Bergaran. Bizkaian, Araban eta Nafarroan ere badira horrelako bankuak.

    Elikagaien bankuak
 
 

Comments
Login for comment

A2
Dec 1, 2017
Number: 17711319
Source:
Duration: 00:01:13
Number of visits: 2201