50. hamarkadaren amaiera. Luisa egunero hurbiltzen da Lekitioko moila muturrera itsasoan arrantzan duen maitaleari loreak eskaintzeko. Badaki horrek zorte ona ematen diola.

Karmele Jaioren "Amaren eskuak" liburua zinera egokitzen ari dira. Sentimenduz betetako istorioa da.

Estresatuta bizi den Nerea, protagonistari bat batean bizimodua goitik behera aldatzen zaio; Luisa, ama, ospitalera eramaten dute burua noraezean duela.

Mireia Gabilondo. Niri irakurri nuenean, egia esanda, ondo esan duzun bezala, sentimenduz betetako istorio bat eta barruko emozioak nolakoak diren horrelako gauza pasatzen denean... Beraz, bada hori iruditara eramatea da nire, gure lana, ekipoko guztien lana.

Mireia Gabilondo zuzendariak 50 bat teknikari eta 35 aktore ditu bere aginduetara. Joan den astean hasi ziren grabatzen. Donostian, Hernanin... hainbat tokitan grabatuko dute.
Gaur Lekeition adi izan dute Karmele Jaio, Amaren eskuak liburuaren idazlea.

Karmele Jaio. Beste hizkuntza batekin egingo du, beste modu batera egingo du, bere modura, baina nik uste dut liburuaren muina azaltzen eta plazaratzen jakingo duela eta, gainera...

Ama eta alabaren bizimoduak oso desberdinak ziruditen, baina ez daude horren urrun elkarrengandik